اسلام آباد۔9اکتوبر (اے پی پی) وزیراعظم محمد شہباز شریف ڈیرہ اسماعیل خان دے علاقے درابن اچ فتنہ الخوارج دے خلاف کامیاب آپریشن اتے 7 خارجیاں کوں جہنم رسید کرݨ تے سکیورٹی فورسز دے افسراں تے اہلکاراں کوں سراہندیں ہوئیں آپریشن اچ جام شہادت نوش کرݨ آلے میجر سبطین حیدر کوں خراج عقیدت پیش کیتے۔ خمیس کوں وزیراعظم آفس دے میڈیا ونگ ولوں جاری بیان موجب وزیراعظم شہید دے درجات دی …
وزیراعظم شہباز شریف دا ڈیرہ اسماعیل خان اچ فتنہ الخوارج دے خلاف کامیاب آپریشن تے سکیورٹی فورسز کوں خراج تحسین
اسلام آباد۔9اکتوبر (اے پی پی) وزیراعظم محمد شہباز شریف ڈیرہ اسماعیل خان دے علاقے درابن اچ فتنہ الخوارج دے خلاف کامیاب آپریشن اتے 7 خارجیاں کوں جہنم رسید کرݨ تے سکیورٹی فورسز دے افسراں تے اہلکاراں کوں سراہندیں ہوئیں آپریشن اچ جام شہادت نوش کرݨ آلے میجر سبطین حیدر کوں خراج عقیدت پیش کیتے۔ خمیس کوں وزیراعظم آفس دے میڈیا ونگ ولوں جاری بیان موجب وزیراعظم شہید دے درجات دی بلندی اتے انہاں دے گھر آلیاں کیتے صبر دی دعا کیتی۔ انہاں آکھیا جو افواج پاکستان دے بہادر افسر اتے جوان ݙینھ رات ملک دی حفاظت اچ مصروف عمل ہن، میں سمیت پوری قوم کوں آپݨی بہادر افواج دے افسراں تے جواناں تے فخر اے۔ وزیراعظم دہشتگردی دی لعنت دے ملک توں مکمل خاتمے تئیں ایںدے خلاف جنگ جاری رکھݨ دے عزم دا اظہار کریندیں ہوئیں آکھیا جو پوری قوم افواج پاکستان دے وطن عزیز دی حفاظت دے عزم اچ انہاں دے نال کھڑی اے۔
