وزیراعظم دی صدارت اچ اجلاس، قومی خزانے تے بوجھ بݨݨ آلے سرکاری اداریاں دی تیکھی نجکاری اچ آوݨ آلی پیچیدگیاں کوں دُور کرݨ دی ہدایت

اسلام آباد۔9اکتوبر (اے پی پی) وزیراعظم محمد شہباز شریف قومی خزانے تے بوجھ بݨݨ آلے اتے غیرفعال سرکاری اداریاں دی نجکاری دا عمل تیزز انتظامی اتے ادارہ جاتی پیچیدگیاں توں بچیندیں ہوئیں پورا کرݨ دی ہدایت کریندیں ہوئیں آکھیا جو مجوزہ سرکاری اداریاں دی نجکاری اچ قومی مفاد اتے مستقبل اچ اداریاں دی پیشہ ورانہ استعداد ودھاوݨ کوں مدنظر رکھیا ونڄے۔ انہاں اے ہدایت خمیس کوں آپݨی صدارت مجوزہ سرکاری اداریاں دی نجکاری بارے جائزہ اجلاس توں خطاب اچ کیتی جئیں اچ وفاقی وزیر برائے اکنامک افیئرز ڈویژن احد خان چیمہ، وفاقی وزیر برائے توانائی سردار اویس احمد خان لغاری، وزیر مملکت برائے خزانہ بلال اظہر کیانی اتے ٻئے متعلقہ اداریاں دے سرکاری افسراں شرکت کیتی۔ پی ایم آفس دے میڈیا ونگ توں جاری بیان موجب اجلاس توں خطاب کریندیں ہوئیں وزیراعظم آکھیا جو مجوزہ سرکاری اداریاں دی نجکاری اچ قومی مفاد اتے مستقبل اچ اداریاں دی پیشہ ورانہ استعداد ودھاوݨ کوں مدنظر رکھیا ونڄے۔ انہاں مجوزہ سرکاری اداریاں دی نجکاری دے عمل اچ عالمی شہرت یافتہ ماہرین دی خدمات حاصل کرݨ اتے سرکاری اداریاں دی اندرونی استعداد کار ودھاوݨ کیتے جامع حکمت عملی دے تحت ہر ممکن اقدامات فوری طور تے چاوݨ دی وی ہدایت کیتی۔ وزیراعظم حکم ݙتا جو نجکاری دے عمل اچ شامل سرکاری اداریاں کیتے بہترین معاملہ طے کیتا ونڄے۔ انہاں خبردار کیتا جو نجکاری دے عمل اچ ادارہ جاتی اتے انتظامی تاخیر اتے سُرخ فیتے کوں برداشت نہ کیتا ویسی، نجکاری دے عمل دی نگرانی او خود کریسن اتے ایں دی پیش رفت تے باقاعدگی نال اجلاس کیتا ویسی۔ اجلاس اچ 24 اچوں 15 سرکاری اداریاں دی نجکاری دے عمل تے پیش رفت بارے وزیراعظم کوں آگاہ کیتا ڳیا۔ وزیراعظم قومی خزانے تے بوجھ بݨݨ آلے اتے غیرفعال سرکاری اداریاں دی نجکاری کوں تیکھا توں تیکھا انتظامی اتے ادارہ جاتی پیچیدگیاں توں بچیندیں ہوئیں نجکاری دے عمل کوں پورا کرݨ دی ہدایت کیتی۔