راولپنڈی۔9اکتوبر (اے پی پی) ڈیرہ اسماعیل خان اچ بھارتی پراکسی فتنہ الخوارج دے خلاف انٹیلی جنس بیسڈ آپریشن اچ شہید تھیوݨ آلے میجر سبطین حیدر شہید دی نماز جنازہ چکلالہ گیریژن راولپنڈی اچ ادا کر ݙتی ڳئی اے۔ وزیراعظم محمد شہباز شریف، چیف آف آرمی سٹاف فیلڈ مارشل سید عاصم منیر، وزیر اطلاعات تے نشریات عطا اللہ تارڑ، فوجی و سِول افسران اتے شہریاں دی وݙی تعداد نماز جنازہ اچ …
ڈیرہ اسماعیل خان اچ بھارتی پراکسی فتنہ الخوارج دے خلاف انٹیلی جنس بیسڈ آپریشن اچ شہید تھیوݨ آلے میجر سبطین حیدر شہید دی نماز جنازہ چکلالہ گیریژن راولپنڈی اچ ادا کر ݙتی ڳئی، آئی ایس پی آر
راولپنڈی۔9اکتوبر (اے پی پی) ڈیرہ اسماعیل خان اچ بھارتی پراکسی فتنہ الخوارج دے خلاف انٹیلی جنس بیسڈ آپریشن اچ شہید تھیوݨ آلے میجر سبطین حیدر شہید دی نماز جنازہ چکلالہ گیریژن راولپنڈی اچ ادا کر ݙتی ڳئی اے۔ وزیراعظم محمد شہباز شریف، چیف آف آرمی سٹاف فیلڈ مارشل سید عاصم منیر، وزیر اطلاعات تے نشریات عطا اللہ تارڑ، فوجی و سِول افسران اتے شہریاں دی وݙی تعداد نماز جنازہ اچ شرکت کیتی۔ خمیس کوں آئی ایس پی آر توں جاری بیان موجب میجر سبطین حیدر شہید دی عمر 30 سال ہئی اتے او کوئٹہ دے رہائشی ہن۔ وزیراعظم شہباز شریف میجر سبطین حیدر شہید کوں خراج عقیدت پیش کریندیں ہوئیں ایں عزم دا اظہار کیتا جو فتنہ الخوارج یا کہیں وی غلط نظریات رکھݨ آلے گروہ کوں کامیاب نہ تھیوݨ ݙتا ویسی، اساݙے شہداء دا خون انتشار کھنݙاوݨ آلے ہر ایجنٹ کوں شکست ݙیوݨ اتے پاکستان دی خودمختاری دے تحفظ دے عزم کوں تقویت ݙیندے۔ شہید کوں پورے فوجی اعزاز نال آبائی شہر اچ سپرد خاک کیتا ویسی۔
