صدرِ مملکت آصف علی زرداری دا اورکزئی اچ بھارتی سرپرست خوارج دے خلاف سکیورٹی فورسز دی ہمت آلی کارروائی تے خراجِ تحسین

اسلام آباد۔10اکتوبر (اے پی پی) صدرِ مملکت آصف علی زرداری اورکزئی اچ بھارتی سرپرست خوارج دے خلاف سکیورٹی فورسز دی ہمت آلی کارروائی تے خراجِ تحسین پیش کریندیں ہوئیں آکھیا جو لیفٹیننٹ کرنل جنید طارق، میجر طیّب راحت اتے ٻئے شہیداں دی قربانیاں کوں قوم ہمیشہ یاد رکھسی۔ جمعہ کوں ایوان صدر دے پریس ونگ توں جاری بیان موجب صدرِ مملکت آکھیا جو مسلح افواج بھارتی سرپرست خوارج دے نیٹ ورک کوں ٻھن تے قوم دا سِر فخر نال بُلند کر ݙتے۔ صدر آصف علی زرداری آکھیا جو دہشت گردی دے خلاف مسلسل کامیابیاں اساݙے عزم دی عکاس ہن، وطن دے بہادر پُتراں مادرِ وطن دے تحفظ کیتے آپݨی جاناں قربان کر تے تاریخ رقم کیتی اے۔