اسلام آباد۔10اکتوبر(اے پی پی)وزیراعظم محمد شہباز شریف پاکستان اتے ایتھوپیا وچال تجارت، سرمایہ کاری، زراعت اتے ٹیکنالوجی دے شعبیں اچ سانجھے تعاون کوں مزید ودھاوݨ دے عزم دا اعادہ کیتے۔ وزیراعظم دفتر دے میڈیا ونگ توں جاری بیان مووجب وزیراعظم نال ایتھوپیا دے پاکستان اچ سفیر ڈاکٹر جمال بیکرعبداللہ الوداعی ملاقات کیتی۔ وزیراعظم ایتھوپیا دے سفیر کوں عہدے دی مدت کامیابی نال پوری تھیوݨ تے مبارخ ݙتی اتے پاکستان اتے …
وزیراعظم شہباز شریف نال ایتھوپیا دے سفیر ڈاکٹر جمال بیکرعبداللہ دی الوداعی ملاقات
اسلام آباد۔10اکتوبر(اے پی پی)وزیراعظم محمد شہباز شریف پاکستان اتے ایتھوپیا وچال تجارت، سرمایہ کاری، زراعت اتے ٹیکنالوجی دے شعبیں اچ سانجھے تعاون کوں مزید ودھاوݨ دے عزم دا اعادہ کیتے۔ وزیراعظم دفتر دے میڈیا ونگ توں جاری بیان مووجب وزیراعظم نال ایتھوپیا دے پاکستان اچ سفیر ڈاکٹر جمال بیکرعبداللہ الوداعی ملاقات کیتی۔ وزیراعظم ایتھوپیا دے سفیر کوں عہدے دی مدت کامیابی نال پوری تھیوݨ تے مبارخ ݙتی اتے پاکستان اتے ایتھوپیا دے سانجھے تعلقات تکڑا کرݨ اچ انہاں دے کردار دی تعریف کیتی ۔ وزیراعظم ایتھوپیا دے سفیر کوں عہدے دی مدت اچ سانجھے تجارتی معاہدہ، کراچی اتے ادیس ابابا وچال سِدھیاں پروازاں جیھے اہم کم سرانجام ݙیوݨ تے خصوصی مبارخ ݙتی۔ وزیراعظم افریقہ اچ ایتھوپیا دے اہم کردار کوں اُجاگر کریندے پاکستان دے ایتھوپیا دے نال تجارت، سرمایہ کاری، زراعت اتے ٹیکنالوجی دے شعبیں اچ سانجھے تعاون کوں مزید ودھاوݨ دے عزم دا اعادہ کیتا۔ ایں موقع تے ایتھوپیا دے سفیر آپݨے عہدے دی مدت دے دوران حکومت پاکستان اتے پاکستانی عوام دی طرفوں مِلݨ آلے تعاون اتے دوستانہ ماحول تے دلوں اظہار تشکر کیتا۔ وزیراعظم ایتھوپیا دی حکومت اتے رہنماواں کیتے دلی احترام دے جذبات اتے ݙوہیں ملکاں وچال اعلیٰ سطحی رابطے مزید ودھاوݨ دی خواہش دا وی اظہار کیتا۔
