اسلام آباد۔10اکتوبر(اے پی پی (سپیکر قومی اسمبلی سردار ایاز صادق نال پارلیمانی رپورٹرز ایسوسی ایشن پاکستان (پی آر اے پی) دے وفد پارلیمنٹ ہاؤس اچ ملاقات کیتی۔ وفد دی قیادت نویں چُݨیے ڳئے صدر (پی آر اے پی) ایم بی سومرو کیتی جݙاں جو وفد اچ سیکرٹری نوید اکبر، احمد نواز اتے جاوید نور شامل ہن۔ ملاقات اچ پارلیمانی رپورٹرز ایسوسی ایشن پاکستان دی نویں چُݨی ڳئی باڈی سپیکر قومی …
سپیکر قومی اسمبلی سردار ایاز صادق نال پارلیمانی رپورٹرز ایسوسی ایشن پاکستان دے وفد دی ملاقات
اسلام آباد۔10اکتوبر(اے پی پی (سپیکر قومی اسمبلی سردار ایاز صادق نال پارلیمانی رپورٹرز ایسوسی ایشن پاکستان (پی آر اے پی) دے وفد پارلیمنٹ ہاؤس اچ ملاقات کیتی۔ وفد دی قیادت نویں چُݨیے ڳئے صدر (پی آر اے پی) ایم بی سومرو کیتی جݙاں جو وفد اچ سیکرٹری نوید اکبر، احمد نواز اتے جاوید نور شامل ہن۔ ملاقات اچ پارلیمانی رپورٹرز ایسوسی ایشن پاکستان دی نویں چُݨی ڳئی باڈی سپیکر قومی اسمبلی سردار ایاز صادق کوں آپݨی انتخابی کامیابی بارے ݙسایا اتے انہاں توں درخواست کیتی جو او پی آر اے پی دے نویں چُݨیے ڳئے عہدیداراں توں حلف گھنن۔ سپیکر قومی اسمبلی سردار ایاز صادق وفد دی درخواست کوں خوش دِلی نال قبول کریندے قومی اسمبلی دے اڳوں آوݨ آلے اجلاس دے دوران پی آر اے پی دی نویں چُݨی ڳئی باڈی توں حلف گھنݨ دا یقین ݙیوایا۔ایں موقع تے سپیکر قومی اسمبلی پی آر اے پی دی نویں چُݨی ڳئی قیادت کوں مبارخ ݙتی اتے پارلیمانی صحافیاں دے کردار دی تعریف کیتی ۔ انہاں آکھیا جو پارلیمنٹ دی کارروائی دی مؤثر کوریج اچ پارلیمانی رپورٹرز دا کردار ٻہوں اہم اتے تعریف دے لائق اے۔ انہاں آکھیا جو آزاد اتے ذمہ وار صحافت جمہوری اداریں دے استحکام اتے عوامی آگاہی دے ودھارے اچ کلیدی کردار ادا کریندی اے۔ سپیکر سردار ایاز صادق ایں عزم دا اظہار کیتا جو پارلیمانی رپورٹرز کوں آپݨیاں پیشہ ورانہ ذمہ واریاں دی ادائیگی کیتے ہر ممکن سہولت اتے تعاون ݙتا ویسی۔ انہاں مزید آکھیا جو قومی اسمبلی سیکرٹریٹ پی آر اے پی دی نویں چُݨی ڳئی باڈی دے نال مکمل تعاون جاری رکھیسی تاں جو پارلیمانی معاملیں دی شفاف اتے مؤثر رپورٹنگ کوں مزید ودھارا ݙتا ونڄ سڳے۔
