اسلام آباد۔10اکتوبر (اے پی پی)نائب وزیراعظم و وزیرخارجہ سینیٹر محمد اسحاق ڈار دی زیر صدارت کابینہ کمیٹی بین الحکومتی تجارتی لین دین دا اجلاس تھیا۔ اجلاس اچ سرکاری اداریں دی نجکاری متعلق جاری اقدامات دا تفصیلی جائزہ ڳھدا ڳیا۔ ترجمان دفتر خارجہ توں جاری بیان دے مطابق کمیٹی سرمائے دی منتقلی دے عمل کوں شفاف اتے مؤثر بݨاوݨ، کارکردگی اچ بہتری گھن آوݨ اتے اقتصادی اصلاحات دے تحت نجی شعبے …
نائب وزیراعظم اسحاق ڈار دی زیرصدارت کابینہ کمیٹی بین الحکومتی تجارتی لین دین دا اجلاس
اسلام آباد۔10اکتوبر (اے پی پی)نائب وزیراعظم و وزیرخارجہ سینیٹر محمد اسحاق ڈار دی زیر صدارت کابینہ کمیٹی بین الحکومتی تجارتی لین دین دا اجلاس تھیا۔ اجلاس اچ سرکاری اداریں دی نجکاری متعلق جاری اقدامات دا تفصیلی جائزہ ڳھدا ڳیا۔ ترجمان دفتر خارجہ توں جاری بیان دے مطابق کمیٹی سرمائے دی منتقلی دے عمل کوں شفاف اتے مؤثر بݨاوݨ، کارکردگی اچ بہتری گھن آوݨ اتے اقتصادی اصلاحات دے تحت نجی شعبے دی شمولیت کوں ودھارا ݙیوݨ کیتے بین الحکومتی معاہدیں کوں حتمی شکل ݙیوݨ تے غور کیتا۔ نجکاری ڈویژن دی طرفوں پیش کیتی ڳئی سمری تے کمیٹی فرسٹ ویمن بینک لمیٹڈ (ایف ڈبلیو بی ایل) دی حوالہ قیمت دی منظوری ݙتی جو پاکستان دے بینکاری شعبے اچ متحدہ عرب امارات دی سرمایہ کاری دے ودھارے دے پاسے ہک اہم سنگ میل اے۔ اجلاس اچ وفاقی وزیر خزانہ، معاون خصوصی طارق باجوہ، معاون خصوصی ریلوے، سیکرٹری کابینہ، سیکرٹری نجکاری اتے متعلقہ محکمیں دے اعلیٰ حکام شرکت کیتی۔
