اسلام آباد۔11اکتوبر (اے پی پی) وزیراعظم محمد شہباز شریف ڈیرہ اسماعیل خان اچ پولیس دے تربیتی مرکز تے فتنہ الخوارج دے دہشت گرد حملے دی شدید مذمت کریندیں ہوئیں آکھیا جو دہشت گرداں دی بزدلانہ کارروائیاں دہشت گردی دے خلاف اساݙے عزم کوں کمزور نئی کر سڳدیاں، ملک توں ہر طرح دی دہشت گردی دے مکمل خاتمے کیتے پُر عزم ہن۔ ہفتہ کوں وزیر اعظم آفس دے میڈیا ونگ توں …
وزیراعظم شہباز شریف دی ڈیرہ اسماعیل خان اچ پولیس دے تربیتی مرکز تے فتنہ الخوارج دے دہشت گرد حملے دی مذمت
اسلام آباد۔11اکتوبر (اے پی پی) وزیراعظم محمد شہباز شریف ڈیرہ اسماعیل خان اچ پولیس دے تربیتی مرکز تے فتنہ الخوارج دے دہشت گرد حملے دی شدید مذمت کریندیں ہوئیں آکھیا جو دہشت گرداں دی بزدلانہ کارروائیاں دہشت گردی دے خلاف اساݙے عزم کوں کمزور نئی کر سڳدیاں، ملک توں ہر طرح دی دہشت گردی دے مکمل خاتمے کیتے پُر عزم ہن۔ ہفتہ کوں وزیر اعظم آفس دے میڈیا ونگ توں جاری بیان دے مطابق وزیراعظم خوارجی دہشت گرداں دا بہادری نال مقابلہ کریندیں ہوئیں شہید تھیوݨ آلے سَت پولیس اہلکاراں کوں خراج عقیدت پیش کیتا۔ ایں موقع تے وزیراعظم شہیداں دے درجے دی بلندی دی دعا کریندیں ہوئیں انہاں دے گھر آلیاں نال تعزیت دا اظہار کیتا۔ وزیراعظم حملے اچ زخمی تھیوݨ آلیاں دی جلدی صحت یابی دی دعا اتے انہاں کوں ہر ممکن طبی امداد فراہم کرݨ دی وی ہدایت کیتی۔ وزیراعظم محمد شہباز شریف آکھیا جو خیبرپختونخوا دی پولیس دہشت گردی دے خلاف جنگ اچ ہمیشہ فرنٹ لائن تے رہی اے، پوری قوم شہیداں کوں سلام پیش کریندی اے، دہشت گرداں دی بزدلانہ کارروائیاں دہشت گردی دے خلاف اساݙے عزم کوں کمزور نئی کر سڳدیاں، ملک توں ہر طرح دی دہشت گردی دے مکمل خاتمے کیتے پُر عزم ہیسے۔
