پاکستان دا جوابی حملہ صرف دہشت گرد ٹکاݨے، انہاں دے تربیتی مراکز اتے انہاں عنصراں تے ہوسی جو پاکستان دے خلاف جنگ کوں ہوا ݙیندے پئن، ذرائع

اسلام آباد۔12اکتوبر (اے پی پی) اڄوکی افغانی جارحیت اتے ایں تے پاکستان دا ردعمل کہیں طرح وی پاکستان اتے افغانستان دی عوام وچال جنگ تصور نہ کیتا ونڄے، افغانی جارحیت دراصل افغان عبوری حکومت، افغان طالبان اتے فتنہ الخوارج جیڑھے دہشت گرد عنصراں ولوں مسلط کیتی ڳئی اے۔ ذرائع دے مطابق افغانی جارحیت بھارتی پیسیاں نال مبینہ طور تے خریدی ڳئی اے، پاکستان دا جوابی حملہ صرف دہشت گرد ٹکاݨے، انہاں دے تربیتی مراکز اتے انہاں عنصراں تے ہوسی جو پاکستان دے خلاف ایں جنگ کوں ہوا ݙیندے پئن۔ ذرائع دے مطابق پاکستان نہ افغان عوام اتے نہ افغانستان دے عوامی جہیں کوں نشانہ بݨاوݨ چاہندے، اے جنگ دراصل پاکستان اتے افغانستان دی عوام وچال نئی بلکہ افغانستان اچ موجود بھارتی پرست شر پسند عنصراں دے خلاف اے۔