اسلام آباد۔12اکتوبر (اے پی پی) وزیر اعظم پاکستان دے کیش لیس پاکستان سٹریٹیجک روڈ میپ دے تحت جون 2026 تئیں ڈیجیٹل لین دین کیتے فعال تاجراں دا ہدف 5 لکھ توں ودھا تے 15 لکھ کیتا ویسی، بینظیر انکم سپورٹ پروگرام دے مستفید تھیوݨ آلیاں کوں ڈیجیٹل والٹ تے تبدیل کیتا ویسی، سارے جی ٹو جی (حکومت توں حکومت) اتے پی ٹو جی (لوکاں توں حکومت) کوں ڈیجیٹل ادائیگیاں اچ …
بینظیر انکم سپورٹ پروگرام دے مستفید تھیوݨ آلیاں کوں ڈیجیٹل والٹ تے منتقل کیتا ویسی، وزارت خزانہ
اسلام آباد۔12اکتوبر (اے پی پی) وزیر اعظم پاکستان دے کیش لیس پاکستان سٹریٹیجک روڈ میپ دے تحت جون 2026 تئیں ڈیجیٹل لین دین کیتے فعال تاجراں دا ہدف 5 لکھ توں ودھا تے 15 لکھ کیتا ویسی، بینظیر انکم سپورٹ پروگرام دے مستفید تھیوݨ آلیاں کوں ڈیجیٹل والٹ تے تبدیل کیتا ویسی، سارے جی ٹو جی (حکومت توں حکومت) اتے پی ٹو جی (لوکاں توں حکومت) کوں ڈیجیٹل ادائیگیاں اچ تبدیل کیتا ویسی۔ وزارت خزانہ دے ذریعیاں دے مطابق ڈیجیٹل لین دین کوں زیادہ آسانی نال مِلݨ آلا، محفوظ اتے سوکھا بݨاوݨ کیتے وزیر اعظم کیش لیس سٹریٹیجک روڈ میپ دے تحت کجھ اہم اہداف اتے سنگ میل مقرر کیتے ڳئن جنہاں دے تحت جون 2026 تئیں ڈیجیٹل لین دین کیتے فعال تاجراں دی موجودہ 5 لکھ تعداد کوں ودھا تے 15 لکھ کیتا ویسی۔ جون 2026 تئیں ڈیجیٹل ٹرانزیکشنز سالانہ ساڈھے 7 ارب توں ودھا تے 15 ارب تئیں گھن آئی ویسن۔ ایں دے علاوہ ڈیجیٹل انڈیکس دا آغاز اتے اوںکوں ٹریک کرݨا، سٹیزن اسلام آباد ایپ تے استعمال دے کیسز دی مکمل ڈیجیٹائزیشن کرݨا شامل اے۔ انہاں اہداف دے مطابق ڈیجیٹل نیشن پاکستان اتھارٹی کوں فعال کیتا ویسی۔ سارے حکومتی سطح دے اتے پی 2 جی کوں ڈیجیٹل ادائیگیاں تے تبدیل کیتا ویسی۔ ایںدے علاوہ انہاں اہداف دے تحت بینظیر انکم سپورٹ پروگرام دے مستفید تھیوݨ آلیاں کوں ڈیجیٹل والٹ تے تبدیل کیتا ویسی۔
