افغانستان پاکستان تے جارحیت عین اوں ویلھے کیتی جݙاں افغان وزیر خارجہ بھارت دے دورے تے موجود ہن اتے اُتھاں پاکستان مخالف بیاناں کوں مشترکہ اعلامیاں دی شکل ݙتی ویندی پئی اے، عطاء اللہ تارڑ

اسلام آباد۔12اکتوبر (اے پی پی) وفاقی وزیر اطلاعات تے نشریات عطاء اللہ تارڑ آکھیا جو افغانستان بھارت مشترکہ اعلامیے تے دفتر خارجہ واضح اتے ݙو ٹوک موقف ݙتے۔ اتوار کوں سماجی رابطے دے پلیٹ فارم ”ایکس“ تے آپݨی ہک پوسٹ اچ انہاں آکھیا جو اے ڳالھ غور طلب اے جو افغانستان پاکستان تے جارحیت عین اوں ویلھے کیتی جݙاں افغان وزیر خارجہ بھارت دے دورے تے موجود ہن اتے اُتھاں پاکستان مخالف بیاناں کوں مشترکہ اعلامیاں دی شکل ݙتی ویندی پئی اے۔ اے عمل افسوسناک اتے قابل مذمت اے۔