لاہور۔12اکتوبر (اے پی پی) وزیراعظم محمد شہباز شریف جاتی عمرہ اچ سابق وزیراعظم اتے پاکستان مسلم لیگ ن دے صدر نواز شریف نال ملاقات کیتی اتے دورہ ملائیشیا دی تفصیل، افغانستان ولوں اشتعال انگیزی اتے افواج پاکستان دی مؤثر اتے بھرپور جوابی کارروائی دا ݙسیا۔ وزیراعظم آفس دے میڈیا ونگ توں اتوار کوں جاری بیان دے مطابق ملاقات اچ نائب وزیراعظم و وزیر خارجہ اسحاق ڈار اتے وزیر اعلیٰ پنجاب …
وزیراعظم شہباز شریف دی سابق وزیراعظم نواز شریف نال ملاقات، دورہ ملائیشیا دی تفصیل، افغانستان دی اشتعال انگیزی اتے افواج پاکستان دی مؤثر اتے بھرپور جوابی کارروائی دا ݙسیا
لاہور۔12اکتوبر (اے پی پی) وزیراعظم محمد شہباز شریف جاتی عمرہ اچ سابق وزیراعظم اتے پاکستان مسلم لیگ ن دے صدر نواز شریف نال ملاقات کیتی اتے دورہ ملائیشیا دی تفصیل، افغانستان ولوں اشتعال انگیزی اتے افواج پاکستان دی مؤثر اتے بھرپور جوابی کارروائی دا ݙسیا۔ وزیراعظم آفس دے میڈیا ونگ توں اتوار کوں جاری بیان دے مطابق ملاقات اچ نائب وزیراعظم و وزیر خارجہ اسحاق ڈار اتے وزیر اعلیٰ پنجاب مریم نواز وی موجود ہن۔ وزیراعظم نواز شریف کوں آپݨے دورہ ملائیشیاء دے حوالے نال تفصیلی ݙسیا اتے نواز شریف کوں ملائیشیاء دے وزیر اعظم انور ابراہیم دا نیک خواہشات دا سنیھا ݙتا، وزیراعظم شہباز شریف آکھیا جو پاکستان اتے ملائیشیاء وچال ݙو پاسے تعلقات خاص طور تے اقتصادی تعاون نویں بلندیاں تے ویندا پئے۔ وزیراعظم آپݨے آوݨ آلے دورہ مصر دے حوالے نال وی بریفنگ ݙتی۔ ملاقات اچ افغانستان ولوں اشتعال انگیزی تے وی ڳالھ مہاڑ تھئی اتے افغانستان دے اشتعال دے جواب اچ افواج پاکستان ولوں مؤثر اتے بھرپور کارروائی تے پاکستان دی افواج کوں خراج تحسین پیش کیتا ڳیا۔ وزیراعظم شہباز شریف آکھیا جو ملک دے دفاع کیتے پوری قوم پاک افواج دے نال کھڑی اے۔
