شرم الشیخ۔13اکتوبر (اے پی پی) وزیراعظم محمد شہباز شریف آکھیا جو غزہ امن منصوبہ مشرق وسطیٰ اچ دیرپا امن آلے پاسے اہم قدم اے، امریکی صدر ڈونلڈ ٹرمپ دی خصوصی توجہ اتے جستجو دی وجہ توں غزہ اچ جاری قتل تے غارت کوں روکݨ ممکن تھیا، اج دی تقریب نسل کشی دے باب دے خاتمے دی نشانی اے، عالمی برادری کوں یقینی بݨاوݨا چاہیدے جو ایہو جیہا باب کہیں وی …
غزہ امن منصوبہ مشرق وسطیٰ اچ دیرپا امن آلے پاسے اہم قدم اے، صدر ڈونلڈ ٹرمپ دی خصوصی توجہ اتے جستجو دی وجہ توں غزہ اچ جاری قتل تے غارت کوں روکݨ ممکن تھیا، وزیراعظم محمد شہباز شریف
شرم الشیخ۔13اکتوبر (اے پی پی) وزیراعظم محمد شہباز شریف آکھیا جو غزہ امن منصوبہ مشرق وسطیٰ اچ دیرپا امن آلے پاسے اہم قدم اے، امریکی صدر ڈونلڈ ٹرمپ دی خصوصی توجہ اتے جستجو دی وجہ توں غزہ اچ جاری قتل تے غارت کوں روکݨ ممکن تھیا، اج دی تقریب نسل کشی دے باب دے خاتمے دی نشانی اے، عالمی برادری کوں یقینی بݨاوݨا چاہیدے جو ایہو جیہا باب کہیں وی ٻیا کݙاہیں نہ کُھلے۔ سنوار کوں سماجی رابطے دی ویب سائٹ ’’ایکس‘‘ تے آپݨی پوسٹ اچ وزیراعظم محمد شہباز شریف آکھیا جو الحمدللہ شرم الشیخ اچ تاریخی غزہ امن منصوبے تے دستخط دی تقریب اچ شرکت کیتے پُجیاں جو مشرق وسطیٰ اچ دیرپا امن آلے پاسے ہک اہم قدم اے، مصر دے صدر عبدالفتاح السیسی اتے امریکی صدر ڈونلڈ ٹرمپ جو ایں امن سربراہی اجلاس دے رَل تے میزبان ہن دا شکریہ ادا کرینداں۔ وزیر اعظم آکھیا جو صدر ڈونلڈ ٹرمپ دی شاندار قیادت اتے پکے عزم دے بغیر اساں اے تاریخی ویلھا نہ ݙیکھدے، انہاں دی خصوصی توجہ اتے جستجو دی وجہ توں ای (غزہ اچ جاری) قتل و غارت کوں روکݨ ممکن تھیا۔ انہاں آکھیا جو اے تقریب نسل کشی دے ہک باب دے خاتمے دی نشانی اے، عالمی برادری کوں یقینی بݨاوݨا چاہیدے جو کہیں وی ایہو جیہا باب ٻیا کݙاہیں نہ کُھلے۔ وزیر اعظم آکھیا جو بہادر اتے پکے رہݨ آلے فلسطینی عوام 1967 توں پہلے دی حداں دے مطابق ہک آزاد فلسطین اچ رہݨ دا پورا حق رکھیندن جئیں دا دارالحکومت القدس شریف ہووے۔
