شرم الشیخ۔13اکتوبر (اے پی پی) وزیراعظم محمد شہباز شریف غزہ اچ جنگ بندی کیتے شرم الشیخ امن سربراہی اجلاس اچ شرکت کیتے کانگریس سینٹر پڄ ڳئے۔ مصر دے صدر عبدالفتاح السیسی کانگریس سینٹر پڄݨ تے وزیراعظم محمد شہباز شریف دا پرتپاک استقبال کیتا۔ ݙوہیں رہنماواں ہک ݙوجھے نال پیار نال ہتھ ملایا اتے نیک سنیھا دا تبادلہ کیتا۔ ایں توں پہلے وزیراعظم محمد شہباز شریف امریکی صدر ڈونلڈ ٹرمپ اتے …
وزیراعظم محمد شہباز شریف غزہ اچ جنگ بندی کیتے شرم الشیخ امن سربراہی اجلاس اچ شرکت کیتے کانگریس سینٹر پڄ ڳئے
شرم الشیخ۔13اکتوبر (اے پی پی) وزیراعظم محمد شہباز شریف غزہ اچ جنگ بندی کیتے شرم الشیخ امن سربراہی اجلاس اچ شرکت کیتے کانگریس سینٹر پڄ ڳئے۔ مصر دے صدر عبدالفتاح السیسی کانگریس سینٹر پڄݨ تے وزیراعظم محمد شہباز شریف دا پرتپاک استقبال کیتا۔ ݙوہیں رہنماواں ہک ݙوجھے نال پیار نال ہتھ ملایا اتے نیک سنیھا دا تبادلہ کیتا۔ ایں توں پہلے وزیراعظم محمد شہباز شریف امریکی صدر ڈونلڈ ٹرمپ اتے مصری صدر عبدالفتاح السیسی دی خصوصی دعوت تے شرم الشیخ پُڄیے تاں ایئر پورٹ تے مصری یوتھ تے سپورٹس دے وزیر ڈاکٹر اشرف صبحیی، مصر اچ پاکستان دے سفیر عامر شوکت اتے پاکستان تے مصری اعلیٰ سفارتی عملے وزیراعظم دا استقبال کیتا۔ وزیراعظم امریکی صدر ڈونلڈ ٹرمپ، مصری صدر عبدالفتاح السیسی، امیر قطر شیخ تمیم بن حمد الثانی اتے ترکیہ دے صدر رجب طیب ایردوان وچال غزہ امن معاہدے تے دستخط دی تقریب اچ خصوصی شرکت کریسن۔ نائب وزیر اعظم تے وزیر خارجہ محمد اسحاق ڈار اتے وزیر اطلاعات تے نشریات عطاء اللہ تارڑ وزیراعظم دے نال وفد اچ شامل ہن۔
