شرم الشیخ۔13اکتوبر(اے پی پی) وزیراعظم محمد شہباز شریف اتے فلسطین دے صدر محمود عباس غزہ اچ جنگ بندی تے اطمینان دا اظہار کریندے ایں کوں خطے اچ امن و فلسطینیاں دی ترقی دی نشانی قرار ݙتے۔ وزیراعظم دفتر دے میڈیا ونگ توں جاری بیان موجب شرم الشیخ اچ امن سربراہ اجلاس دے موقع تے جنگ بندی معاہدے تے دستخط توں پہلے وزیراعظم محمد شہباز شریف اتے فلسطین دے صدر محمود …
وزیراعظم محمد شہباز شریف اتے فلسطین دے صدر محمود عباس وچال غیر رسمی خوشگوار ملاقات
شرم الشیخ۔13اکتوبر(اے پی پی) وزیراعظم محمد شہباز شریف اتے فلسطین دے صدر محمود عباس غزہ اچ جنگ بندی تے اطمینان دا اظہار کریندے ایں کوں خطے اچ امن و فلسطینیاں دی ترقی دی نشانی قرار ݙتے۔ وزیراعظم دفتر دے میڈیا ونگ توں جاری بیان موجب شرم الشیخ اچ امن سربراہ اجلاس دے موقع تے جنگ بندی معاہدے تے دستخط توں پہلے وزیراعظم محمد شہباز شریف اتے فلسطین دے صدر محمود عباس وچال گرمجوشی نال غیر رسمی خوشگوار ملاقات اتے ڳالھ مہاڑ تھئی۔ بحرین دے فرمانروا شاہ حمد بن عیسی الخلیفہ وی ملاقات و ڳالھ مہاڑ اچ شریک ہن۔ فلسطین دے صدر محمود عباس فلسطینیاں دا ہمیشہ ساتھ ݙیوݨ اتے انہاں دی سیاسی و سفارتی محاذ تے مدد کرݨ تے پاکستان دا شکریہ ادا کیتا۔ ݙوہیں رہنماواں ایں موقع تے آکھیا جو فلسطین اتے پاکستان وچال پراݨے بھرپی آلے تعلقات مثالی ہن جیں تے ݙوہیں ملکاں دی قیادت اتے عوام کوں ماݨ اے۔ وزیراعظم محمد شہباز شریف غزہ دے بہادر عوام کوں گزریل سالاں اچ ہمت و بہادری نال اوکھ برداشت کرݨ تے خراج تحسین پیش کیتا۔ ݙوہیں رہنماواں غزہ اچ جنگ بندی تے اطمینان دا اظہار کیتا اتے ایں کوں خطے اچ امن و فلسطینیاں دی ترقی دی نشانی قرار ݙتا
