آفتاں دے خطرے اچ کمی پائیدار ترقی گھنݨ اتے موسمیاتی لچک دی تعمیر کیتے ضروری اے، نائب وزیراعظم / وزیرخارجہ اسحاق ڈار

اسلام آباد۔13اکتوبر(اے پی پی )نائب وزیراعظم / وزیرخارجہ محمد اسحاق ڈار آفتاں دے خطرے، خامیاں اتے ضیان اچ کمی کیتے عالمی کوششاں دے حوالے نال پاکستان دی پکی وابستگی دے عزم کوں ول دُہرائے۔ آفتاں دے خطرے کوں گھٹ کرݨ دے بین الاقوامی ݙینھ (13 اکتوبر 2025) دے موقع تے آپݨے پیغام اچ انہاں آکھیا جو آفتاں دے خطرے اچ کمی نہ صرف انسانی وجوہات دی بناء تے بلکہ پائیدار ترقی گھنݨ سانڳے اتے موسمیاتی لچک دی تعمیر کیتے وی ضروری اے، اڄوکے سالاں اچ پاکستان موسمیاتی آفتاں دے تباہ کن اثرات دا سامݨا کیتے جنہاں اچ 2022ء دی بدترین چھل توں گھن تے خُشک سالی اتے لُو دے ول ول آوݨ آلے حملے شامل ہن۔ اڄوکے زور دے ساوݨ مینھ دا حوالہ ݙیندے نائب وزیراعظم / وزیرخارجہ انہاں موسمیاتی تبدیلیاں پاروں پاکستان تے پووݨ آلے بارے ٻوجھ کوں ہک ٻیا واضح خبردار آکھیا جیں دے نتیجے اچ جاناں اتے روزگار ݙوہیں دا ضیان تھئے۔ انہاں تجربیں فعال، ٹیکنالوجی تے مبنی اتے سَاریں کوں شامل کرݨ، آفتاں دے خطرے دے انتظام تے توجہ مرکوز کرݨ دے عزم کوں مزید تکڑا کیتے۔انہاں آکھیا جو پاکستان قومی تخفیف خطریں آفتاں دی حکمت عملی 2025-2030 دی روشنی اچ ہک جامع، کئی خطریں دا نقطہ نظر اپناوݨا پئے جو قومی، صوبائی اتے ضلعی سطح تے روکݨ ، تیاری اتے لچک دی تعمیر تے زور ݙیندے۔ سینڈائی فریم ورک تخفیف خطرات آفتاں (2015-2030) نال ہم آہنگ، ملکی پالیسیاں اچ ابتدائی انتباہی نظاماں کوں تکڑا بݨاوݨا، پہلے توں قدم چاوݨ کوں اڳوں ودھاوݨا، ترقیاتی منصوبہ بندی اچ خطرے اچ کمی کوں شامل کرݨا اتے ابھردے خطریں کوں بہتر طور تے پیش گوئی اتے انتظام کرݨ کیتے جدت اتے ٹیکنالوجی توں فیدہ چاوݨا ترجیحی بنیاداں تے شامل اے۔ اسحاق ڈار آکھیا جو پاکستان بین الاقوامی برادری تے زور ݙتے جو او تعاون کوں تکڑا بݨاوے، ٹیکنالوجی دی منتقلی کوں بہتر بݨاوے اتے مالیاتی میکانزم کوں ودھاوے تاں جو ترقی پذیر ملک موسمیاتی تبدیلی دے تکھے تھیندے اثرات کوں گھٹ کرݨ اتے ایں موجب ڈھلݨ دے قابل تھی ونڄن۔ تخفیف خطرات آفتاں دے عالمی ݙینھ تے پاکستان ہک محفوظ، زیادہ لچکدار اتے پائیدار دنیا دی تعمیر دی آپݨی ذمہ واری دی تصدیق کریندے سارے ملکاں نال یکجہتی دا اظہار کریندے۔