شرم الشیخ۔13اکتوبر(اے پی پی)وزیراعظم محمد شہباز شریف شرم الشیخ اچ امن سربراہ اجلاس دے موقع تے مختلف عالمی رہنماواں نال ملاقاتاں کیتیاں اتے خطے اچ امن کیتے اقدامات تے ڳالھ مہاڑ کیتی۔ وزیراعظم دفتردے میڈیا ونگ توں جاری بیان موجب وزیراعظم محمد شہباز شریف اتے آذربائیجان دے صدر الہام علیوف ملاقات اچ غزہ اچ جنگ بندی تے اطمینان دا اظہار کیتا۔ ایں موقع تے آرمینیا دے وزیراعظم نکول پاشنیان وی …
وزیرِاعظم شہباز شریف دی شرم الشیخ اچ مختلف عالمی رہنماواں نال ملاقاتاں
شرم الشیخ۔13اکتوبر(اے پی پی)وزیراعظم محمد شہباز شریف شرم الشیخ اچ امن سربراہ اجلاس دے موقع تے مختلف عالمی رہنماواں نال ملاقاتاں کیتیاں اتے خطے اچ امن کیتے اقدامات تے ڳالھ مہاڑ کیتی۔ وزیراعظم دفتردے میڈیا ونگ توں جاری بیان موجب وزیراعظم محمد شہباز شریف اتے آذربائیجان دے صدر الہام علیوف ملاقات اچ غزہ اچ جنگ بندی تے اطمینان دا اظہار کیتا۔ ایں موقع تے آرمینیا دے وزیراعظم نکول پاشنیان وی ملاقات و ڳالھ مہاڑ اچ شریک ہن۔ وزیراعظم دی اردن دے فرمانروا شاہ عبداللہ دوئم، بحرین دے شاہ حمد بن عیسیٰ الخلیفہ اتے اقوام متحدہ دے سیکرٹری جنرل انتونیو گوتریس نال وی ملاقات تھئی۔ ایں توں انڄ وزیراعظم دی انڈونیشیاء دے صدر پرابوو سوبیانتو، جرمن چانسلر فریڈرک مرز، سپین دے وزیراعظم پیڈرو سانچیز، اٹلی دی وزیرِاعظم جیورجیا میلونی اتے سعودی عرب دے وزیرِخارجہ شہزادہ فیصل بن فرحان السعود نال وی ملاقات تھئی۔ انہاں ملاقاتاں اچ خطے اچ امن کیتے اقدامات تے ڳالھ مہاڑ کیتی۔ وزیرِ اعظم فلسطین دے عوام دے نال پاکستان دی طرفوں یکجہتی اتے انہاں دی سفارتی و اخلاقی مدد جاری رکھݨ دا عزم دُہرایا۔
