اسلام آباد۔13اکتوبر(اے پی پی)وفاقی وزیردفاع خواجہ محمد آصف پاکستان اتے برطانیہ وچال ݙو پاسے تعلقات کوں مزید ودھاوݨ دی پاکستان دی خواہش دا اظہار کیتے۔ وزارت دفاع توں جاری بیان موجب وزیر دفاع خواجہ محمد آصف نال پاکستان اچ تعینات برطانوی ہائی کمشنر جین میریٹ اتھاں ملاقات کیتی۔ وزیر دفاع برطانوی ہائی کمشنر دا پرتپاک خیرمقدم کیتا اتے ݙوہیں ملکاں وچال ݙو پاسے تعلقات کوں مزید گھاٹا کرݨ دی پاکستان …
خواجہ آصف نال برطانوی ہائی کمشنر دی ملاقات
اسلام آباد۔13اکتوبر(اے پی پی)وفاقی وزیردفاع خواجہ محمد آصف پاکستان اتے برطانیہ وچال ݙو پاسے تعلقات کوں مزید ودھاوݨ دی پاکستان دی خواہش دا اظہار کیتے۔ وزارت دفاع توں جاری بیان موجب وزیر دفاع خواجہ محمد آصف نال پاکستان اچ تعینات برطانوی ہائی کمشنر جین میریٹ اتھاں ملاقات کیتی۔ وزیر دفاع برطانوی ہائی کمشنر دا پرتپاک خیرمقدم کیتا اتے ݙوہیں ملکاں وچال ݙو پاسے تعلقات کوں مزید گھاٹا کرݨ دی پاکستان دی خواہش دا اظہار کیتا۔ ملاقات اچ ݙوہیں رہنماواں آپت دے دلچسپی دے معاملیں، علاقائی سلامتی، دفاعی اتے سٹریٹجک معاملیں اچ جاری تعاون تے ڳالھ مہاڑکیتی۔ ݙوہیں پاسوں کئی شعبیں اچ تعاون کوں تکڑابݨاوݨ دے آپݨے عزم کوں ول دُہرائے۔ ملاقات دے دوران پاکستان انٹرنیشنل ایئرلائنز (پی آئی اے) دی برطانیہ کیتے پروازاں اچ ودھارے دے نال نال ݙوہیں ملکاں وچال فضائی رابطیں کوں ودھاوݨ کیتے اضافی ایئرلائنز کوں شامل کرݨ دے معاملے تے وی ڳالھ تھئی۔ ملاقات اچ تعمیری ڳالھ مہاڑجاری رکھݨ اتے پاکستان اتے برطانیہ وچال پراݨی شراکت داری کوں مزید مستحکم کرݨ کیتے مشترکہ مفاہمت تھئی۔
