وزیراعظم شہباز شریف دا مادر وطن دے دفاع اچ جاناں دا نذرانہ پیش کرݨ آلے سکیورٹی فورسز دے 12 جواناں کوں خراج عقیدت

شرم الشیخ ۔13اکتوبر(اے پی پی)وزیراعظم محمد شہباز شریف مادر وطن دیاں سرحداں دی حفاظت کریندے آپݨی جاناں دا نذرانہ پیش کرݨ آلے سکیورٹی فورسز دے 12 جواناں کوں خراج عقیدت پیش کریندے شہیداں دے درجات کیتے دعا کیتی اتے انہاں دے گھر آلیں کوں پرچاوݨی ݙتی ، انہاں شہیداں دی نماز جنازہ سنوار کوں ادا کیتی ڳئی۔ وزیراعظم دفتر دے میڈیا ونگ توں جاری بیان موجب وزیراعظم آکھیا جو انہاں شہیداں دیاں قربانیاں ضائع نہ ویسن، مسلح افواج دی پیشہ ورانہ مہارت تے ماݨ اے ، پاک فوج ہمیشہ ہر طرح دی ٻاہرلی جارحیت دا مُنہ بھن جواب ݙتے، پوری قوم پاکستان دی سکیورٹی فورسز دے نال کھڑی اے اتے شہیداں کوں سلام پیش کریندی اے۔ وزیراعظم دہشت گرداں دے خلاف کارروائیاں اچ زخمی تھیوݨ آلے سکیورٹی فورسز دے جواناں دی وقتی صحت یابی کیتے وی دعا منڳی اے۔