پاکستان بھاری اکثریت نال 2026 توں 2028 دی مدت کیتے انسانی حقوق کونسل دا رکن منتخب تھیے، نائب وزیراعظم تے وزیر خارجہ

اسلام آباد۔15اکتوبر (اے پی پی) نائب وزیراعظم تے وزیر خارجہ سینیٹر محمد اسحاق ڈار آکھیا جو پاکستان اللہ تعالیٰ دے فضل و کرم نال بھاری اکثریت نال 2026 توں 2028 دی مدت کیتے انسانی حقوق کونسل دا رکن منتخب تھیے۔ بُدھ کوں ’’ایکس‘‘ تے پوسٹ اچ انہاں آکھیا جو پاکستان دی حمایت کیتے اقوام متحدہ دے سارے رکن ملکاں دا دل دی گہرائیاں نال شکریہ ادا کرینداں۔ نائب وزیر اعظم تے وزیر خارجہ سینیٹر محمد اسحاق ڈار آکھیا جو پاکستان دا انتخاب عالمی انسانی حقوق دے فریم ورک کوں مضبوط بݨاوݨ اچ ایں دی مضبوط ساکھ دی پڄاوݨ اتے شراکت دا اعتراف اے۔ انہاں آکھیا جو پاکستان عالمی برادری دے نال جنگ بندی، رواداری، احترام، آفاقیت، اتفاق رائے دی تعمیر اتے شمولیت دی بنیاد تے کَم کرݨ دے آپݨے عزم کوں ول دُہریندے۔