اسلام آباد۔15اکتوبر (اے پی پی) وزیراعظم محمد شہباز شریف آکھیا جو پاکستان آسٹریلیا دے نال خاص طور تے زراعت تے لائیو سٹاک دے شعبیاں اچ تعاون اتے اعلیٰ معیار دے گوشت دی برآمد کیتے مضبوط تعلقات چاہندے۔ بُدھ کوں وزیراعظم آفس دے میڈیا ونگ توں جاری بیان دے مطابق اے ڳالھیں انہاں آسٹریلیا دے سبکدوش تھیوݨ آلے ہائی کمشنر نیل ہاکنز نال ڳالھ مہاڑ کریندیں ہوئیں کیتی جنہاں وزیراعظم نال …
پاکستان آسٹریلیا نال زراعت تے لائیو سٹاک دے شعبیاں اچ تعاون اتے اعلیٰ معیار دے گوشت دی برآمد کیتے مضبوط تعلقات چاہندے، وزیراعظم محمد شہباز شریف دی آسٹریلیا دے سبکدوش تھیوݨ آلے ہائی کمشنر نال ڳالھ مہاڑ
اسلام آباد۔15اکتوبر (اے پی پی) وزیراعظم محمد شہباز شریف آکھیا جو پاکستان آسٹریلیا دے نال خاص طور تے زراعت تے لائیو سٹاک دے شعبیاں اچ تعاون اتے اعلیٰ معیار دے گوشت دی برآمد کیتے مضبوط تعلقات چاہندے۔ بُدھ کوں وزیراعظم آفس دے میڈیا ونگ توں جاری بیان دے مطابق اے ڳالھیں انہاں آسٹریلیا دے سبکدوش تھیوݨ آلے ہائی کمشنر نیل ہاکنز نال ڳالھ مہاڑ کریندیں ہوئیں کیتی جنہاں وزیراعظم نال الوداعی ملاقات کیتی۔ وزیراعظم ہائی کمشنر کوں پاکستان اچ آپݨی مدت ملازمت دی کامیابی پوری کرݨ تے مبارکباد ݙتی اتے پاکستان آسٹریلیا تعلقات دی مضبوطی اچ مثبت کردار ادا کرݨ تے انہاں دا شکریہ ادا کیتا۔ وزیراعظم آکھیا جو پاکستان آسٹریلیا دے نال خاص طور تے زراعت، لائیو سٹاک اتے اعلیٰ معیار دے گوشت دی برآمد اچ مضبوط تعلقات چاہندے۔ ایں سلسلے اچ انہاں سبکدوش تھیوݨ آلے ہائی کمشنر توں پاکستان کوں آسٹریلوی ماہرین دی خدمات حاصل کرݨ اچ مدد دی درخواست کیتی۔ اقتصادی اصلاحات بارے اچ وزیراعظم گزریل 18 مہینیاں دے دوران تھیوݨ آلی پیش رفت تے اطمینان دا اظہار کیتا جئیں اچ کئی اقتصادی اصلاحات کیتی ڳئی۔ انہاں آکھیا جو اے اصلاحات آوݨ آلے مہینیاں اچ وی جاری رہسن تاں جو معاشی استحکام کوں یقینی بݨایا ونڄ سڳے۔ آسٹریلیا دے نال پاکستان دے دوستانہ اتے خوشگوار تعلقات کوں اُجاگر کریندیں ہوئیں وزیراعظم عالمی امن دی کوششاں خاص طور تے مشرق وسطیٰ اچ آسٹریلیا دے تعمیری کردار کوں وی سراہیا۔ سبکدوش تھیوݨ آلے ہائی کمشنر پرتپاک استقبال کرݨ تے وزیر اعظم دا شکریہ ادا کیتا اتے آپݨے قیام دے دوران پاکستانی عوام اتے حکومت ولوں ملݨ آلی گرمجوشی اتے تعاون تے انہاں دی تعریف کیتی۔ انہاں پاکستان دے ودھدے ہوئیں سفارتی پروفائل اتے جنوبی ایشیا، مشرق وسطیٰ اتے دنیا بھر اچ امن کیتے کوششاں تے وزیراعظم کوں مبارکباد ݙتی۔ انہاں وزیراعظم دی انہاں کوششاں کوں وی سراہیا جنہاں دے نتیجے اچ پاکستان اچ معاشی استحکام آیا۔
