حکومت پاکستان اتے افغان طالبان رجیم وچال سانجھی رضامندی نال اَڳلے 48 گھنٹے کیتے عارضی طور تے سیز فائر دا فیصلہ

اسلام آباد۔15اکتوبر(اے پی پی)پاکستان دی حکومت اتے افغان طالبان رجیم وچال طالبان دی درخواست تے ݙوہیں دی سانجھی رضامندی نال ٻُدھ دی شام 6 وَڄے توں اَڳلے 48 گھنٹے کیتے عارضی طور تے سیز فائر دا فیصلہ کیتا ڳئے۔ وزارت خارجہ توں جاری بیان موجب ایں دوران ݙوہیں فریقین تعمیری ڳالھ مہاڑ دے ذریعے ایں اوکھے مگر حل تھیوݨ جوڳے مسئلے دا مثبت حل لبھݨ دی مخلصانہ کوشش کریسن۔