نائب وزیرِاعظم / وزیرِخارجہ اسحاق ڈار دی زیرِ صدارت ایکنک دا اجلاس

اسلام آباد۔15اکتوبر(اے پی پی)ایکنک 380 ارب روپے توں ودھ مالیت دے 12 ترقیاتی منصوبیں دی منظوری ݙے ݙتی۔ نائب وزیراعظم دے میڈیا دفترتوں جاری بیان موجب نائب وزیرِاعظم / وزیرِخارجہ سینیٹر محمد اسحاق ڈار دی زیرِ صدارت قومی اقتصادی کونسل دی ایگزیکٹو کمیٹی (ایکنک) دا اجلاس اتھاں منعقد تھیا جیں اچ زراعت، تعلیم، صحت، بنیادی ڈھانچے اتے ماحولیاتی استحکام دے شعبیں دے حوالے نال 380 ارب روپے توں ودھ مالیت دے 12 ترقیاتی منصوبیں دی منظوری ݙتی ڳئی۔ بیان موجب اے منصوبے پنجاب، سندھ، خیبرپختونخوا، بلوچستان اتے گلگت بلتستان کیتے ہن۔ اجلاس اچ نائب وزیرِاعظم حکومت دے جامع اتے پائیدار قومی ترقی دے عزم دا اعادہ وی کیتا۔ اجلاس اچ وفاقی وزیر منصوبہ بندی، پنجاب دے سینئر وزیر، سندھ دے وزیر آبپاشی و خوراک، خیبرپختونخوا دے مشیر خزانہ اتے چیف سیکرٹری گلگت بلتستان دے علاوہ کابینہ، منصوبہ بندی دے وفاقی سیکرٹریز اتے وزارتِ خزانہ، توانائی سودھے متعلقہ وفاقی و صوبائی محکمیں دے سینئر حکام شرکت کیتی۔