شہیدِ ملت لیاقت علی خان دی دیانت، قومی یکجہتی اتے جمہوری اصولاں نال وابستگی اڄ وی مشعلِ رَاہ اے، انہاں قیامِ پاکستان دے بعد ملک دی تعمیر تے استحکام کیتے تاریخی خدمات سر انجام ݙتی، صدرِ مملکت آصف علی زرداری

اسلام آباد۔16اکتوبر (اے پی پی) صدرِ مملکت آصف علی زرداری شہیدِ ملت لیاقت علی خان کوں انہاں دی برسی تے شاندار لفظاں اچ خراجِ عقیدت پیش کریندیں ہوئیں آکھیا جو انہاں دی دیانت، قومی یکجہتی اتے جمہوری اصولاں نال وابستگی اج وی مشعلِ رَاہ اے، انہاں قیامِ پاکستان دے بعد ملک دی تعمیر تے استحکام کیتے تاریخی خدمات سر انجام ݙتی۔ خمیس کوں ایوان صدر دے پریس ونگ موجب صدرِ مملکت آکھیا جو لیاقت علی خان دی دیانت، قومی یکجہتی اتے جمہوری اصولاں نال وابستگی اج وی مشعلِ رَاہ اے۔ انہاں شہید ملت لیاقت علی خان دی قومی خدمات تے انہاں کوں خراج عقیدت پیش کریندیں ہوئیں آکھیا جو قوم کوں آپݨے بانی رہنماواں دے سُنہری اصولاں توں رہنمائی حاصل ڳھندے رہݨا چاہیدے۔ صدرِ مملکت آصف علی زرداری دعا کیتی جو اللّٰہ تعالیٰ شہیدِ ملت لیاقت علی خان دے درجات بُلند فرماوے۔