اسلام آباد۔16اکتوبر(اے پی پی)چیف جسٹس آف پاکستان جسٹس یحییٰ آفریدی آکھیے جو بین المذاہب ہم آہنگی اسلام دی بنیادی تعلیمات اچ شامل اے جیڑھا آئینی تقاضا بݨݨ توں ٻہوں پہلے ہی اساݙی تہذیبی اتے اخلاقی روایت دا حصہ ہئی، بنیادی حقوق دا تحفظ ہی انصاف دا اعلیٰ ترین مظہر اے۔ اے ڳالھ انہاں سپریم کورٹ آف پاکستان اچ ’’بین المذاہب ہم آہنگی اتے بنیادی انسانی حقوق، ہک آئینی تقاضا‘‘ دے …
بین المذاہب ہم آہنگی اسلام دی بنیادی تعلیمات اچ شامل اے، بنیادی حقوق دا تحفظ ہی انصاف دا اعلیٰ ترین مظہر اے، چیف جسٹس جسٹس یحییٰ آفریدی
مزید خبراں
اسلام آباد۔16اکتوبر(اے پی پی)چیف جسٹس آف پاکستان جسٹس یحییٰ آفریدی آکھیے جو بین المذاہب ہم آہنگی اسلام دی بنیادی تعلیمات اچ شامل اے جیڑھا آئینی تقاضا بݨݨ توں ٻہوں پہلے ہی اساݙی تہذیبی اتے اخلاقی روایت دا حصہ ہئی، بنیادی حقوق دا تحفظ ہی انصاف دا اعلیٰ ترین مظہر اے۔ اے ڳالھ انہاں سپریم کورٹ آف پاکستان اچ ’’بین المذاہب ہم آہنگی اتے بنیادی انسانی حقوق، ہک آئینی تقاضا‘‘ دے عنوان نال قومی سمپوزیم نال آپݨے خیر مقدمی خطاب اچ آکھی ۔ سپریم کورٹ دے شعبہ تعلقات عامہ توں جاری اعلامیہ موجب سپریم کورٹ آف پاکستان دی میزبانی اچ ’’بین المذاہب ہم آہنگی اتے بنیادی انسانی حقوق، ہک آئینی تقاضا‘‘ دے عنوان نال قومی سمپوزیم منعقد تھیا جیں دا اہتمام لاء اینڈ جسٹس کمیشن آف پاکستان اتے فیڈرل جوڈیشل اکیڈمی سانجھے طور تے کیتا۔ مہمان خصوصی سیکرٹری جنرل رابطہ عالم اسلامی ڈاکٹر محمد بن عبدالکریم العیسیٰ سپریم کورٹ آف پاکستان دی دعوت تے پاکستان تشریف گھن آئے اتے کلیدی خطاب پیش کیتا۔ انہاں آپݨے خطاب اچ آکھیا جو انصاف، رحم دلی اتے انسانی اخوت او سانجھیاں قدراں ہن جیڑھی سارے مذہباں اچ پاتیاں ویندن اتے ایہو قدراں بین المذاہب ہم آہنگی اتے پرامن بقائے باہمی دی بنیاد بݨدئن۔ سمپوزیم نال وفاقی وزیر قانون و انصاف اعظم نذیر تارڑ، چیئرپرسن نیشنل کمیشن انسانی حقوق ربیعہ جویری آغا، اتے سینیٹر فاروق حامد نائیک وی موضوعاتی خطابات کیتے۔ اختتامی سیشن اچ سابق چیف جسٹس تصدق حسین جیلانی اظہارِ خیال کریندے آکھیا جو عدلیہ تے آئینی طور تے اے مقدس ذمہ واری عائد تھیندی اے جو او مساوات، تکثیریت (Pluralism) اتے قانون دی حکمرانی دے اصولاں دا تحفظ کرن۔ اجلاس دے اختتام تے “اعلامیہ برائے بین المذاہب ہم آہنگی اتے بنیادی حقوق” منظور کیتا ڳیا، جیں اچ پاکستان دے ایں عزم کوں دہرایا ڳیا جو اتحاد، برداشت اتے انصاف کوں آئینی جمہوریت دی بنیاد دے طور تے ودھارا ݙتا ویسی۔ تقریب اچ سپریم کورٹ اتے ہائی کورٹس دے معزز ججز، ضلعی عدلیہ دے ارکان، سفارتی نمائندے، بین الاقوامی شراکت دار، نامور ماہرین قانون، وکلاء، سول سوسائٹی اتے میڈیا دے نمائندگان شرکت کیتی۔
