وزارت مذہبی امور پرائیویٹ حج سکیم 2026 کیتے بکنگ دی تاریخ اچ 22 اکتوبر تئیں ودھا ݙتی

اسلام آباد۔17اکتوبر (اے پی پی) وزارت مذہبی امور پرائیویٹ حج سکیم 2026 کیتے بکنگ دی تاریخ اچ 22 اکتوبر تئیں ودھا ݙتی اے۔ جمعہ کوں ترجمان مذہبی امور دے مطابق وزارت تاریخ اچ ودھارے دے حوالے نال منتظمین اتے ڈی ایچ سیز کوں ہدایت جاری کر ݙتن۔ حج پالیسی اتے سروس پرووائیڈر ایگریمنٹ دے تحت بکنگ دا عمل پورا کیتا ویسی۔ ترجمان دا آکھݨ ہا جو سیکرٹری مذہبی امور دی منظوری نال بکنگ دی تاریخ اچ ودھارا کیتا ڳئے۔ واضح رہے جو پرائیویٹ حج سکیم دی بکنگ دی چھیکڑی تاریخ 17 اکتوبر ہئی، ہݨ تئیں پرائیویٹ سکیم دے تحت 55 ہزار 500 لوکاں بکنگ کرائی اے جݙاں جو انہاں دا کوٹہ 60 ہزار ہا، ہݨ وی 4 ہزار 500 لوکاں دی گنجائش باقی اے۔ 22 اکتوبر تئیں وادھے دے فیصلے توں پرائیویٹ سکیم دے تحت حج کرݨ دے خواہشمند لوک فائدہ چا سڳدن۔