اسلام آباد۔17اکتوبر(اے پی پی)پاکستان نئی دہلی اچ بھارت اتے افغانستان دے سانجھے بیان تے آپݨے سخت تحفظات اتے ردعمل نال پاکستان اچ افغانستان دے سفیر کوں ݙسیندے آکھیے جو 10 اکتوبر کوں جاری تھیوݨ آلے بیان اچ جموں و کشمیر کوں بھارت دا حصہ قرار ݙیوݨ اقوام متحدہ دی سلامتی کونسل دیاں متعلقہ قرارداداں اتے جموں و کشمیر دی قانونی حیثیت دی سِدھی خلاف ورزی اے۔ ترجمان دفتر خارجہ شفقت …
بھارت اتے افغانستان دی طرفوں سانجھے بیان اچ جموں و کشمیر کوں بھارت دا حصہ قرار ݙیوݨ سلامتی کونسل دیاں متعلقہ قرارداداں دی سِدھی خلاف ورزی اے، ترجمان دفتر خارجہ
اسلام آباد۔17اکتوبر(اے پی پی)پاکستان نئی دہلی اچ بھارت اتے افغانستان دے سانجھے بیان تے آپݨے سخت تحفظات اتے ردعمل نال پاکستان اچ افغانستان دے سفیر کوں ݙسیندے آکھیے جو 10 اکتوبر کوں جاری تھیوݨ آلے بیان اچ جموں و کشمیر کوں بھارت دا حصہ قرار ݙیوݨ اقوام متحدہ دی سلامتی کونسل دیاں متعلقہ قرارداداں اتے جموں و کشمیر دی قانونی حیثیت دی سِدھی خلاف ورزی اے۔ ترجمان دفتر خارجہ شفقت علی خان پریس بریفنگ اچ آکھیا جو اے بیان بھارت دے غیر قانونی طور تے زیر تسلط جموں و کشمیر دے لوکاں دے حق خودارادیت کیتے انہاں دی منصفانہ جدوجہد اچ قربانیاں اتے جذبات دے حوالے نال انتہائی بے حسی تے مبنی اے۔ انہاں آکھیا جو پاکستان افغان قائم مقام وزیرخارجہ دے ایں دعوے کوں وی سختی نال مسترد کرݙتا جو دہشت گردی پاکستان دا اندرلا مسئلہ اے کیوں جو پاکستان کئی واری فتنہ الخوارج اتے فتنہ الہندوستان دے دہشت گرد عناصر دی موجودگی دے حوالے نال تفصیلات ݙسائن جو افغانستان دے اندر موجود عناصر دی حمایت نال پاکستان دے خلاف افغان سرزمین توں سرگرم ہن۔ ترجمان آکھیا جو دہشت گردی تے قابو پاوݨ دی ذمہ واری پاکستان تے سٹݨ نال عبوری افغان حکومت خطے اتے ایں توں ٻاہر امن و استحکام کوں یقینی بݨاوݨ دی آپݨی ذمہ واریاں توں بَری نی تھی سڳدی۔
