اسلام آباد۔12نومبر(اے پی پی) نائب وزیراعظم اتے وزیر خارجہ محمد اسحاق ڈار اتھاں بین الپارلیمانی سپیکرز کانفرنس 2025 دے ݙوجھے ݙینھ دے افتتاحی اجلاس توں خطاب کیتا اتے کثیر الجہتی تعاون دے ذریعے امن، سلامتی اتے ترقی" دے موضوع تے عام بحث دی صدارت کیتی۔ انہاں عالمی چیلنجز کوں اُجاگر کیتا اتے جغرافیائی سیاسی دشمنی، اقتصادی تفاوت، موسمیاتی بحران، دہشت گردی اتے غیر مساوات دا ذکر کریندے ایں گالھ تے …
بین الپارلیمانی سپیکرز کانفرنس جیھے فورم کثیرالجہتی تعاون کوں زندہ کرݨ سانڳے ضروری ہِن، نائب وزیراعظم محمد اسحاق ڈار
مزید خبراں
اسلام آباد۔12نومبر(اے پی پی) نائب وزیراعظم اتے وزیر خارجہ محمد اسحاق ڈار اتھاں بین الپارلیمانی سپیکرز کانفرنس 2025 دے ݙوجھے ݙینھ دے افتتاحی اجلاس توں خطاب کیتا اتے کثیر الجہتی تعاون دے ذریعے امن، سلامتی اتے ترقی” دے موضوع تے عام بحث دی صدارت کیتی۔ انہاں عالمی چیلنجز کوں اُجاگر کیتا اتے جغرافیائی سیاسی دشمنی، اقتصادی تفاوت، موسمیاتی بحران، دہشت گردی اتے غیر مساوات دا ذکر کریندے ایں گالھ تے زور ݙِتا جو بین الپارلیمانی سپیکرز کانفرنس جیھے فورم کثیرالجہتی تعاون کوں زندہ کرݨ کیتے ٻہوں ضروری ہِن۔انہاں ایں ڳالھ دا اعادہ کیتا جو پاکستان دی خارجہ پالیسی اقوام متحدہ دے چارٹر دے اصولاں تے مبنی اے جئیں وچ ہک منصفانہ اتے پُرامن عالمی نظام دی نیہہ دے طور تے مقابلے دی بجائے تعاون اتے مساوی شراکت داری تے زور ݙِتا ڳئے۔ نائب وزیراعظم اتے وزیر خارجہ محمد اسحاق ڈار آکھیا جو دہشت گردی کہیں مذہب، نسل یا سرحد کوں نئیں منیندی، وانا اتے اسلام آباد وچ اڄوکے حملیں دی مذمت کریندے انہاں ایں لعنت نال لڑݨ کیتے پاکستان دے عزم دا اعادہ کیتا اتے ہر قسم دی دہشت گردی کوں مسترد کیتا۔ انہاں آکھیا جو سفارت کاری دے ذریعے لوکاں دی خدمت کرݨی چاہیدی اے، عوام تے مبنی سفارت کاری ایں ڳالھ کوں یقینی بݨیندی اے جو امن دے فیدے شہریاں تئیں پُڄن اتے اے شمولیت تے مبنی ترقی ہووے، بین الاقوامی تعاون کوں انسانی ترقی نال نئیں بلکہ سیاسی معاہدیں نال ماپیا ویندے۔
