وزیرِاعظم محمد شہباز شریف یو این جنرل اسمبلی اجلاس اچ پاکستانی وفد دی قیادت دے بعد وطن واپسی کیتے لندن روانہ

اقوامِ متحدہ۔26 ستمبر (اے پی پی) وزیرِاعظم محمد شہباز شریف اقوامِ متحدہ دی جنرل اسمبلی دے 81 ویں اجلاس اچ پاکستانی وفد دی قیادت دے بعد وطن واپسی کیتے نیویارک توں لندن روانہ تھی ڳئن۔ وزیرِ اعظم اپݨے پنج ݙینھاں دے مصروف دورے دے دوران 193 رکنی جنرل اسمبلی نال خطاب دے نال ٻہوں سارے عالمی رہنماؤاں نال ملاقاتاں وی کیتیاں جنہاں اچ علاقائی و عالمی سلامتی تے سانجھی دلچسپی دے امور تے ڳالھ مہاڑکیتی ڳئی۔ انہاں پاکستانی امریکی کاروباری شخصیات نال وی ملاقات کیتی تے ملک اچ سرمایہ کاری تے زور ݙتا۔ وزیرِاعظم اقوامِ متحدہ دے سیکرٹری جنرل انتونیو گوتریس نال وی ملاقات کیتی جنہاں دا آوݨ آلے مہینے اچ دورۂ پاکستان متوقع اے، او 31 دسمبر 2026ء کوں اپݨی 5 سالہ مدت مکمل کریندے پئن۔ یو این جنرل اسمبلی نال اپݨے خطاب اچ وزیرِاعظم جھیڑیں دے حل مذاکرات تے سفارتکاری جاری رکھݨ دی لوڑھ تے زور ݙتا۔ انہاں بھارت کوں خبردار کیتا جو پاکستان دے حصے دے دریاواں دا پاݨی روکݨ، اوندا رستہ موڑݨ یا اوندا رخ بدلݨ دی کہیں وی کوشش کوں جنگی عمل تصور کیتا ویسی