ستاویویں ترمیم دے ٻل تے ݙوہیں ایواناں اتے مشترکہ قائمہ کمیٹی وچ بھرپورغور تھیا، کجھ مزید ترمیمات دے نال قومی اسمبلی توں منظور کرایا ویسی، اعظم نذیر تارڑ

اسلام آباد۔12نومبر(اے پی پی) وفاقی وزیر قانون اعظم نذیر تارڑ آکھیے جو 27ویں ترمیم دے ٻل تے ݙوہیں ایواناں اتے مشترکہ قائمہ کمیٹی وچ بھرپورغور تھئے، ایں وچ کجھ مزید ترمیمات دے نال قومی اسمبلی توں منظور کرایا ویسی۔ ایوان زیریں وچ 27ویں ترمیم تے جاری بحث سنبھیندے انہاں آکھیا جو ترمیم دے خدو خال توں آگاہ کرݙِتا ہئی، سینیٹ مشترکہ کمیٹی دے پاس کیتے ڳئے ٻل کوں ݙو تہائی نال منظور کیتا اتے ہݨ ایں ایوان توں قانون و قواعد موجب پیش کیتا ڳئے، بار کونسل دی تجویز تے موجودہ چیف جسٹس پاکستان یحییٰ آفریدی ہی چیف جسٹس آف پاکستان رہسن، انہاں ݙسایا جو آرٹیکل 6 دے حوالے نال آئینی عدالت دا لفظ شامل کیتا ڳئے۔