اسلام آباد۔ 12 نومبر(اے پی پی)صدر مملکت آصف علی زرداری نال فلپائن دی سابق صدر اتے رُکنِ پارلیمان گلوریا مکپاگال ایوانِ صدر اچ ملاقات کیتی۔ صدر مملکت آکھیا جو پاکستان اتے فلپائن ست ݙھاکیاں دی سنڳت اتے تعاون دے رشتے اچ ٻدھیے ہوعن۔ انہاں 2022ء دے دفاعی تعاون دے معاہدے کوں ہک سنگِ میل قرار ݙِتا اَتے فلپائن کوں 2026ء اچ آسیان چیئرشپ سنبھالݨ تے مبارکباد ݙِتی۔ صدر مملکت ماحولیات …
صدر مملکت آصف علی زرداری دی فلپائن دی سابق صدر اتے رُکنِ پارلیمان گلوریا مکپاگال نال ملاقات
مزید خبراں
اسلام آباد۔ 12 نومبر(اے پی پی)صدر مملکت آصف علی زرداری نال فلپائن دی سابق صدر اتے رُکنِ پارلیمان گلوریا مکپاگال ایوانِ صدر اچ ملاقات کیتی۔ صدر مملکت آکھیا جو پاکستان اتے فلپائن ست ݙھاکیاں دی سنڳت اتے تعاون دے رشتے اچ ٻدھیے ہوعن۔ انہاں 2022ء دے دفاعی تعاون دے معاہدے کوں ہک سنگِ میل قرار ݙِتا اَتے فلپائن کوں 2026ء اچ آسیان چیئرشپ سنبھالݨ تے مبارکباد ݙِتی۔ صدر مملکت ماحولیات اتے لاس اینڈ ڈیمیج فنڈ دے قیام اچ فلپائن دے کردار دی تعریف کیتی اَتے خوراک اتے ادویات دے شعبیاں اچ تجارتی تعلقات ودھاوݨ تے زور ݙِتا۔ گلوریا مکپاگال پاکستان نال تجارت، دفاع اتے عوامی رابطیاں اچ تعاون ودھاوݨ دا عزم دوہرایا۔ انہاں پاکستان اچ دہشت گرد حملیاں اچ جانی نقصان تے افسوس کریندے آکھیا جو پاکستان دنیا دے پنجویں وݙے مُلک دے طور تے گلوبل ساؤتھ اچ قائدانہ کردار ادا کرے۔ ملاقات اچ چیئرمین سینیٹ سید یوسف رضا گیلانی، سینیٹر شیری رحمان اتے سینیٹر سلیم مانڈوی والا وی شریک ہَن۔
