اسلام آباد۔13نومبر (اے پی پی) اسلام آباد حملے دے بعد وی سری لنکا کرکٹ ٹیم پاکستان وچ شیڈول میچز کھیڈݨ دا فیصلہ برقرار رکھیا جئیں تے سینیٹ آف پاکستان سری لنکن حکومت، کرکٹ بورڈ اتے ٹیم دے جذبہ یکجہتی تے شکریہ اتے تعریف دی قرارداد متفقہ طور تے منظور کر ڳھدی۔ خمیس کوں ایوان بالا دے اجلاس اچ اے قرارداد وفاقی وزیرِ قانون تے انصاف اعظم نذیر تارڑ پیش کیتی۔ …
اسلام آباد حملے دے بعد سری لنکا ٹیم دا پاکستان اچ کھیڈ جاری رکھݨ دا فیصلہ، سینیٹ اچ سری لنکن حکومت اتے کرکٹ بورڈ دے حق اچ شکریہ دی قرارداد منظور
مزید خبراں
اسلام آباد۔13نومبر (اے پی پی) اسلام آباد حملے دے بعد وی سری لنکا کرکٹ ٹیم پاکستان وچ شیڈول میچز کھیڈݨ دا فیصلہ برقرار رکھیا جئیں تے سینیٹ آف پاکستان سری لنکن حکومت، کرکٹ بورڈ اتے ٹیم دے جذبہ یکجہتی تے شکریہ اتے تعریف دی قرارداد متفقہ طور تے منظور کر ڳھدی۔ خمیس کوں ایوان بالا دے اجلاس اچ اے قرارداد وفاقی وزیرِ قانون تے انصاف اعظم نذیر تارڑ پیش کیتی۔ قرارداد اچ آکھیا گیا جو پاکستان دہشت گردی دے چیلنجاں دے باوجود کھیڈ کوں ودھاوݨ اتے امن دے سنیھے تے یقین رکھیندے، سری لنکا کرکٹ ٹیم دا پاکستان اچ کھیڈ جاری رکھݨ دا فیصلہ ݙوہیں ملکاں وچال مضبوط دوستی اتے اعتماد دی نشانی اے۔ ایوان قرار ݙتا جو سری لنکا ٹیم کوں فول پروف سکیورٹی ݙتی ویسی تاںجو او پورے اعتماد اتے اطمینان نال کھیڈ جاری رکھ سڳن۔ قرارداد اچ ٻیا آکھیا گیا جو سینیٹ آف پاکستان سکیورٹی اداریاں، قانون نافذ کرݨ آلے اہلکاراں اتے متعلقہ اداریاں دی کوششاں کوں خراجِ تحسین پیش کریندے جیڑھے امن و امان قائم کرݨ اتے غیر ملکی کھڈاریاں دی حفاظت کیتے اہم کردار ادا کیتا۔ ایوان امید ظاہر کیتی جو کھیڈ دے ذریعے پاکستان دا مثبت تاثر عالمی سطح تے مضبوط تھیسی اتے خطے اچ امن و بھائی چارے دا سنیھا ودھسی۔
