اسلام آباد۔13نومبر(اے پی پی) وفاقی وزیر تخفیف غربت و سماجی تحفظ سید عمران احمد شاہ نال وفاقی وزیر مذہبی امور و بین المذاہب ہم آہنگی سردار محمد یوسف ملاقات کیتی۔ ملاقات وچ حکومتی فلاحی اقدام، تخفیف غربت کیتے جاری کوششاں اتے عوامی فلاح دے منصوبیں تے تفصیل نال ڳالھ مہاڑ کیتی ڳئی۔ سید عمران احمد شاہ سردار محمد یوسف کوں وزارت تخفیف غربت دے تحت جاری فلاحی پروگرامز بارے …
وفاقی وزیر سیدعمران احمد شاہ نال وفاقی وزیر سردار محمد یوسف دی ملاقات
مزید خبراں
اسلام آباد۔13نومبر(اے پی پی) وفاقی وزیر تخفیف غربت و سماجی تحفظ سید عمران احمد شاہ نال وفاقی وزیر مذہبی امور و بین المذاہب ہم آہنگی سردار محمد یوسف ملاقات کیتی۔ ملاقات وچ حکومتی فلاحی اقدام، تخفیف غربت کیتے جاری کوششاں اتے عوامی فلاح دے منصوبیں تے تفصیل نال ڳالھ مہاڑ کیتی ڳئی۔ سید عمران احمد شاہ سردار محمد یوسف کوں وزارت تخفیف غربت دے تحت جاری فلاحی پروگرامز بارے ݙسیندیں آکھیا جو بینظیر کفالت پروگرام اتے نشوونما سکیم ملک بھر وچ لکھاں حقدار خانداناں کوں مالی و غذائی مدد ݙیندی پئی اے۔ انہاں آکھیا جو پاکستان پاورٹی ایلیویشن فنڈ دے جاری منصوبے مقامی سطح تے معاشی آپݨے ہتھیں انحصار کوں ودھاوݨ وچ اہم کردار ادا کریندے پئن جݙاں جو پاکستان بیت المال دے ذریعے حقدار خانداناں کوں مالی مدد ݙتی ویندی پئی اے۔ ملاقات دے دوران سردار محمد یوسف اپݨے حلقے وچ جاری امدادی کماں بارے مشورے پیش کیتے اتے متعلقہ منصوبیں وچ مزید تعاون دی لوڑھ تے زور ݙتا۔ ݙوہیں وزیراں فلاحی منصوبیں اتے عوامی بہبود دے پروگرامز وچ آپت اچ رل مل تے کم کرݨ تے اتفاق کیتا۔
