پی ٹی آئی دھرنیاں توں ٻھڄ ڳئی، ہمت ہیوے تاں دھرنا ݙے ݙکھاون، وفاقی وزیرِ اطلاعات و نشریات عطاء اللہ تارڑ

اسلام آباد۔25 ستمبر(اے پی پی)وفاقی وزیرِ اطلاعات و نشریات عطاء اللہ تارڑ تحریکِ انصاف کوں کالعدم تحریکِ طالبان پاکستان دی ”بی“ اتے تحریکِ طالبان افغانستان دی ”سی“ ٹیم قرار ݙیندے آکھیے جو پی ٹی آئی دھرنیاں توں ٻھڄ ڳئی، ہمت ہیوے تاں دھرنا ݙے ݙکھاون۔ اسلام آباد اچ میڈیا نال الیندے وفاقی وزیرِ اطلاعات آکھیا جو خیبر پختونخوا حکومت امن و امان دی صورتحال بہتر کرݨ اچ بالکل ناکام ݙسدی پئی اے، امن و امان کیتے انہاں دی پالیسی زیرو اے، صوبائی حکومت دہشتگردی دے خلاف کارروائی کرݨ دی بجائے ہتھو سہولت کاری کریندی اے، اے دہشتگرداں دی مذمت اتے ایندے خلاف کوئی وی کارروائی کرݨ توں پچھو کیوں ہٹ ویندن؟ اصل اچ اے کالعدم ٹی ٹی پی دی ”بی“ ٹیم اتے تحریکِ طالبان افغانستان دی ”سی“ ٹیم اے جیہڑی ناصرف تحریکِ طالبان پاکستان دی مکمل سہولت کار اے ٻھل تحریکِ طالبان افغانستان دی وی نمائندگی کریندی اے، تہؤں سہیل آفریدی وزیرِ اعلیٰ گھٹ اتے ٹی ٹی پی دے کمانڈر ودھ نظردن۔ انہاں آکھیا جو افغانستان ولوں کوہاٹ اتے کرم حملے تے خیبر پختونخوا حکومت مذمت کیتی، بیان ݙتے ناں ہی کوئی واضح موقف اختیار کیتے، وزیراعلیٰ سہیل آفریدی اتے انہاں دی کابینہ دہشتگرداں دے سہولت کار ہین، ہݨ بزدلی ݙکھیندے ہوئے دھرنیاں توں وی بھڄ ڳئن، جیکر ہمت اے تاں آون اتے دھرنا ݙیون، میکوں تاں انہاں دی کوئی تیار نئیں ݙسدی۔ وزیر اطلاعات آکھیا جو تحریکِ انصاف دی خیبر پختونخوا حکومت امن و امان بہتر نئیں بݨاوݨ چاہندی کیوں جو اتھاں ہک پولیٹیکل ٹیرر کرائم نیکسس اے، صوبے اچ ٹمبر اتے تمباکو دی غیر قانونی تجارت، غیر قانونی کان کنی اتے گولڈ مائننگ سودھا معدنیات دے کاروبار اچ باہمی ملی بھگت نال سرگرمیاں جاری ہن، غیر قانونی کان کنی اتے ٹھیکیاں نال دہشتگرداں کوں مبینہ طور تے فنڈز ݙتے ویندن، تہوں اے سہولت کار دہشتگردی نئیں روکݨ چاہندے۔ انہاں آکھیا جو صوبائی حکومت امن و امان دی صورتحال بہتر کرے اتے پولیس اصلاحات متعارف کرواوے، ٻھل ایندے بجائے انہاں ہک اینڄھا قانون ٻݨا ݙتے ڄیڑھا پولیس کوں سیاسی فورس بݨاوݨ دی کوشش اے جو انہان دی پولیس وی دہشتگرداں دی سہولت کاری کرے۔ انہاں آکھیا جو ساݙیان سیکورٹی فورسز اتے شہری دہشتگردی مکاوݨ کیتے ہک مٹھ ہین، حکومت ہوش اچ آوے اتے ملک دی سالمیت اتے سلامتی کیتے کم کرے۔