وزیراعظم شہباز شریف دی صدارت وفاقی کابینہ دا اجلاس، فیڈرل کانسٹی ٹیوشنل کورٹ (پروسیجر اینڈ پریکٹس) ایکٹ 2025 دے مسودے، پاکستان آرمی ایکٹ، پاکستان ایئر فورس ایکٹ اتے پاکستان نیوی ایکٹ اچ ترامیم دی منظوری

اسلام آباد۔13نومبر (اے پی پی) وفاقی کابینہ فیڈرل کانسٹی ٹیوشنل کورٹ (پروسیجر اینڈ پریکٹس) ایکٹ 2025 دے مسودے اتے پاکستان آرمی ایکٹ، پاکستان ایئر فورس ایکٹ اتے پاکستان نیوی ایکٹ اچ ترامیم دی منظوری ݙے ݙتی، انہاں ترامیم دا مقصد افواج پاکستان نال متعلق قوانین کوں ستاویویں آئینی ترمیم نال ہم آہنگ کرݨ اے۔ وزیراعظم آفس دے میڈیا ونگ ولوں جاری بیان موجب وزیراعظم محمد شہباز شریف دی صدارت وفاقی کابینہ دا اجلاس خمیس کوں پارلیمنٹ ہاؤس اچ تھیا جئیں اچ متعلقہ قوانین کوں ستاویویں آئینی ترمیم نال ہم آہنگ کرݨ دے حوالے نال اہم فیصلے کیتے گئے۔ بیان دے مطابق وفاقی کابینہ پاکستان آرمی ایکٹ، پاکستان ایئر فورس ایکٹ اتے پاکستان نیوی ایکٹ اچ ترامیم دی منظوری ݙے ݙتی، انہاں ترامیم دا مقصد افواج پاکستان نال متعلق قوانین کوں ستاویویں آئینی ترمیم نال ہم آہنگ کرݨ اے، آئین دے آرٹیکل 243 وچ جیڑھی ترامیم کیتی ڳئن انہاں دی بنیاد تے ضروری قانون سازی کیتی گئی اے جئیں اچ چیف آف ڈیفنس فورسز دے عہدے دی مدت وی شامل اے، انہاں ترامیم دے تحت چیئرمین جوائنٹ چیف آف سٹاف کمیٹی دا عہدہ موجودہ چیئرمین دی ریٹائرمنٹ دے بعد مک ویسی۔ ایں طرح انہاں قوانین اچ فیلڈ مارشل، مارشل آف دی ایئر فورس، ایڈمرل آف دی فلیٹ دے عہدے وی شامل کیتے گئن۔ اے سکیم اتے متعلقہ قوانین اچ ترمیم جدید عصری اتے جنگی ضرورتاں کوں سامݨے رکھ تے تجویز کیتی گئی اے۔ وفاقی کابینہ فیڈرل کانسٹی ٹیوشنل کورٹ (پروسیجر اینڈ پریکٹس) ایکٹ 2025 دے مسودے دی وی منظوری ݙے ݙتی۔ وفاقی کابینہ اقتصادی رابطہ کمیٹی دے 7 نومبر 2025 کوں تھیوݨ آلے اجلاس اچ کیتے گئے فیصلیاں دی وی توثیق کیتی۔