وفاقی وزیر داخلہ محسن نقوی نال بحرین دے ہم منصب لیفٹیننٹ جنرل راشد بن عبداللہ الخلفیہ دا ٹیلیفونک رابطہ

اسلام آباد۔13نومبر (اے پی پی) وفاقی وزیر داخلہ محسن نقوی نالبحرین دے ہم منصب لیفٹیننٹ جنرل راشد بن عبداللہ الخلفیہ ٹیلیفونک رابطہ کیتا۔ بحرین دے وزیر داخلہ لیفٹیننٹ جنرل راشد بن عبد اللہ الخلیفہ اسلام آباد اچ دہشت گرد حملے دی سخت مذمت کریندے بے گناہ جاناں دے ضیاع تے ݙاݙھا ݙُکھ اتے افسوس کیتے۔ خمیس کوں وزارت داخلہ توں جاری بیان دے مطابق بحرینی وزیر داخلہ آکھیا جو ݙُکھ دے ویلھے اچ متاثرہ خانداناں نال ہمدردی کریندے ہیں۔ بحرین دے وزیر داخلہ پاکستان دے نال بحرین دی نہ بدلݨ آلی حمایت اتے یکجہتی دے عزم دا پکا ارادہ کیتا۔