قومی اسمبلی پاکستان آرمی ترمیمی بل 2025، پاکستان ایئر فورس ترمیمی بل 2025، پاکستان نیوی ترمیمی بل 2025 دی منظوری ݙے ݙتی

اسلام آباد۔13نومبر(اے پی پی)قومی اسمبلی پاکستان آرمی ترمیمی بل 2025، پاکستان ایئر فورس ترمیمی بل 2025، پاکستان نیوی ترمیمی بل 2025 دی منظوری ݙے ݙتی۔ خمیس کوں قومی اسمبلی دے اجلاس اچ وزیر قانون اعظم نذیر تارڑ ݙسایا جو وفاقی کابینہ دا اج اجلاس تھئے جیںدے اچ متعلقہ قانون سازی کیتے اجازت ݙتی گئی اے، 27ویں ترمیم تے صدر مملکت دستخط کر ݙتن اتے ہݨ اے آئین دا حصہ اے، آئینی عدالت قائم تھی ڳئی اے، وزیراعظم صدر مملکت، بلاول بھٹو زرداری اتے اتحادی جماعتاں دے قائدین دا شکریہ ادا کیتے۔ وزیر قانون آکھیا جو آرٹیکل 243 اچ تبدیلیاں کیتیاں ڳئن، فیلڈ مارشل دے عہدے کوں آئینی تحفظ ݙتا گئے، جدید جنگی رجحانات دے تناظر اچ آرمی چیفس دے عہدے کوں چیف آف ڈیفنس فورسز دے عہدے نال تبدیل کیتا گئے، انہاں دے عہدیاں تے تعیناتی کیتے وزیر دفاع خواجہ محمد آصف وزارت دفاع ولوں ترائے قوانین دیاں سمریز وزارت قانون کوں ݙتیاں ہن جیںدی وفاقی کابینہ منظوری ݙے ݙتی اے۔ آئینی عدالت کیتے پریکٹس اینڈ پروسیجر ایکٹ اچ کجھ ترامیم دے مسودے دی وی منظوری ݙتی گئی اے۔ انہاں سپیکر توں ضمنی ایجنڈے اچ انہاں ترامیم کوں شامل کرݨ دی درخواست کیتی جیںدی سپیکر اجازت ݙے ݙتی۔ خواجہ محمد آصف پاکستان آرمی ایکٹ 1952 اچ ترامیم کرݨ دے بل پاکستان آرمی ترمیمی بل 2025، پاکستان ایئر فورس ایکٹ 1953 اچ ترامیم کرݨ دے بل پاکستان ایئر فورس ترمیمی بل 2025 اتے پاکستان نیوی آرڈیننس 1961 وچ ترامیم دے بل پاکستان نیوی ترمیمی بل 2025 ایوان اوچ پیش کرݨ دی اجازت منڳی، اجازت ملݨ تے انہاں تریے بل ایوان اچ پیش کیتے جیںدی ایوان شق وار منظوری ݙے ݙتی۔ ایں توں پہلے وزیر قانون اعظم نذیر تارڑ ایوان کوں ݙسایا جو سری لنکا دی حکومت اتے کرکٹ بورڈ دا فیصلہ خوش آئند اے، سری لنکا ساݙے انہاں دوستاں وچوں اے جئیں کرکٹ دے حوالے نال قیمت چکائی اے، ماضی اچ حملے دے باوجود او پاکستان کھیݙݨ کیتے آئن، جیویں دے حالات ٻݨائے گئن اتے کَل جیڑھا حملہ تھیا، اسلام آباد پولیس حملے آور کوں کچہری دی عمارت وچ داخل تھیوݨ توں روکیا جیںدے نال زیادہ نقصان تھی سڳدا ہا، انہاں آکھیا جو انہاں دے دوست اسلم گھمن دے جوان پُتر کوں 10 ݙینہ پہلے سپریم کورٹ اچ پریکٹس دا لائسنس ملیا، او انرولمنٹ دی خوشی اچ ڳیا ہا او ݙُکھ اتے تکلیف اچ بدل ڳئی، واقعے دے بعد میں وزیراعظم دی ہدایت تے ہسپتالاں اچ ڳیاں، دہشت گرداں دا کوئی دین مذہب کائنی، ایں دھماکے اچ زیادہ تر غریب لوک شہید تھئن، وزیراعظم خاص ہدایت کیتی اے اتے لواحقین کیتے پیکیج دا اعلان وی کیتا ویسی۔