اسلام آباد۔13نومبر(اے پی پی)چیئرمین سینیٹ سید یوسف رضا گیلانی نال روسی فیڈریشن کونسل دے نائب سپیکر کونسٹنٹائن کوساچوف، بارباڈوس دے سپیکر آرتھر یوجین ہولڈر، فلسطین دی نیشنل کونسل دے سپیکر روحی فتوح، روانڈا دی سینیٹ دے صدر فرینک کوئیس ژویئر کولندھا، الجزائر دے رکن پارلیمنٹ سعد عرائوس اتے ݙوجھے رہنماواں علیحدہ علیحدہ ملاقاتاں کیتن۔ پارلیمانی وفود ملاقاتاں اچ اسلام آباد اچ تھیوݨ آلے خود کش حملے دی سخت مذمت …
چیئرمین سینیٹ سید یوسف رضا گیلانی نال روسی فیڈریشن کونسل دے نائب سپیکر، بارباڈوس دے سپیکر، فلسطین دی نیشنل کونسل دے سپیکر، روانڈا دی سینیٹ دے صدر، الجزائر دے رکن پارلیمنٹ اتے ݙوجھے رہنماواں دیاں ملاقاتاں
مزید خبراں
اسلام آباد۔13نومبر(اے پی پی)چیئرمین سینیٹ سید یوسف رضا گیلانی نال روسی فیڈریشن کونسل دے نائب سپیکر کونسٹنٹائن کوساچوف، بارباڈوس دے سپیکر آرتھر یوجین ہولڈر، فلسطین دی نیشنل کونسل دے سپیکر روحی فتوح، روانڈا دی سینیٹ دے صدر فرینک کوئیس ژویئر کولندھا، الجزائر دے رکن پارلیمنٹ سعد عرائوس اتے ݙوجھے رہنماواں علیحدہ علیحدہ ملاقاتاں کیتن۔ پارلیمانی وفود ملاقاتاں اچ اسلام آباد اچ تھیوݨ آلے خود کش حملے دی سخت مذمت کیتی اتے پاکستان نال یکجہتی کیتی۔ غیر ملکی مندوبین ایں واقعے کوں ہک بزدلانہ کارروائی قرار ݙتا اتے آکھیا جو ایجھیاں واقعیاں دی جتنی مذمت کیتی ونڄے گھٹ ہے۔ چیئرمین سینیٹ سید یوسف رضا گیلانی بین الپارلیمانی سپیکرز کانفرنس اچ شرکت تے سارے پارلیمانی وفود دا شکریہ ادا کیتا۔ وفد آئی ایس سی دے پلیٹ فارم کوں ٻہوں اہم قرار ݙتا اتے چیئرمین سینیٹ دی قائدانہ صلاحیتاں دی تعریف کیتی۔ چیئرمین سینیٹ ادارہ جاتی تعاون دی اہمیت تے زور ݙتا اتے کثیر الجہتی تعاون کوں مزید ودھاوݨ کیتے قدم چاوݨ سودھے وفود دے تبادلیاں اچ تیزی گھن آوݨ دی تجویز ݙتی۔ وفد دے رہنما چیئرمین سینیٹ نال اتفاق کریندیں ہوئیں ݙو طرفہ تعاون کوں نویں بلندیاں تے گھن ونڄݨ کیتے سانجھے عزم دا اظہار کیتا۔
