سینیٹ اچ آرمی، ایئر فورس، نیوی ترمیمی ایکٹ اتے پریکٹس اینڈ پروسیجر ترمیمی بل منظور

اسلام آباد۔14نومبر (اے پی پی) سینیٹ آرمی، ایئر فورس، نیوی ترمیمی ایکٹ اتے پریکٹس اینڈ پروسیجر ترمیمی بل منظور کر ڳھدے۔ جمعہ کوں سینیٹ دا اجلاس چیئرمین یوسف رضا گیلانی دی سربراہی اچ تھیا جئیں اچ وفاقی وزراء اسحاق ڈار، خواجہ آصف اتے طارق فضل چوہدری بل پیش کیتے۔ ایوان پاکستان آرمی ایکٹ، پاکستان ایئر فورس ایکٹ، پاکستان نیوی ایکٹ اتے پریکٹس اینڈ پروسیجر ترمیمی بل کثرت رائے نال منظور کر ڳھدے ۔ سینیٹ اچ بلّاں دی منظوری دے ویلھے پی ٹی آئی اتے جے یو آئی دے ارکان بل دی مخالفت کیتی۔ ہمایوں مہمند اتے کامران مرتضیٰ بل دی مخالفت کریندیں ہوئیں بل کوں کمیٹی اچ بھیجݨ دا مطالبہ کیتا جڈانجو چیئرمین سینیٹ بلّاں دی منظوری کیتے ایوان توں رائے ڳھدی جئیں دے بعد ایوان بلّاں کوں کثرت رائے نال منظور کر ڳھدا۔ ایوان اچ اظہار خیال کریندیں ہوئیں اسحاق ڈار آکھیا جو ایوان 27ویں آئینی ترمیم منظور کیتی اتے ایں پاروں ای ایکٹس اچ ترمیم دی لوڑھ ہئی، آرمی، نیوی اتے ایئر فورس ایکٹ اچ ترمیم کیتی ڳئی اے۔