اسلام آباد۔14نومبر (اے پی پی) وزیر دفاع خواجہ محمد آصف آکھیے جو ستاویویں آئینی ترمیم نال عوام کوں انصاف ملسی اتے آئینی مسلے منصفانہ حل کرݨ اچ مدد مِلسی۔ قومی اسمبلی اجلاس اچ انہاں آکھیا جو آئین ایں ایوان کوں اختیارات ݙتن اتے پارلیمان سپریم اے، اے فیصلہ اپوزیشن دے لوکاں کرݨے جو او آئین پاکستان دے وفادار ہن یا ہک بندے دے۔ وزیر دفاع خواجہ محمد آصف آکھیا جو …
ستاویویں آئینی ترمیم نال عوام کوں انصاف ملسی اتے آئینی مسلے منصفانہ حل کرݨ اچ مدد مِلسی، وزیر دفاع خواجہ محمد آصف
مزید خبراں
اسلام آباد۔14نومبر (اے پی پی) وزیر دفاع خواجہ محمد آصف آکھیے جو ستاویویں آئینی ترمیم نال عوام کوں انصاف ملسی اتے آئینی مسلے منصفانہ حل کرݨ اچ مدد مِلسی۔ قومی اسمبلی اجلاس اچ انہاں آکھیا جو آئین ایں ایوان کوں اختیارات ݙتن اتے پارلیمان سپریم اے، اے فیصلہ اپوزیشن دے لوکاں کرݨے جو او آئین پاکستان دے وفادار ہن یا ہک بندے دے۔ وزیر دفاع خواجہ محمد آصف آکھیا جو وانا اتے اسلام آباد اچ دہشت گردی دے واقعے تھئن جیندے تے انہاں دی زبان توں ہک لفظ وی نئیں نکلیا، انہاں فیصلہ کرݨے جو اے پاکستان دے نال کھڑن یا عسکریت پسنداں دے کٹھے، اے لوک پاکستان دے آئین، ایںدے اداریاں، خاص طور تے پارلیمان دے نال نئیں ٻھل اپݨے مفادات نال کھڑن۔ انہاں اپوزیشن تے دہشت گرداں نال ہمدردی دا الزام لیندے آکھیا جو او سرحد پاروں پرتشدد کارروائیاں اچ شامل لوکاں کوں تحفظ ݙیوݨ چاہندن۔ وزیر دفاع آکھیا جو پاکستان دیاں افواج جیویں ملک دیاں زمینی، سمندری اتے فضائی سرحداں دی حفاظت کریندیاں پئن، ایںدے نال او ہک نویں تاریخ رقم کریندیاں پئن۔ وزیر دفاع عمران خان اتے انہاں دے ساتھیاں تے بدعنوانی دے الزامات لیندے آکھیا جو ایں سطح دی بدعنوانی پاکستان دی 78 سالہ تاریخ وچ کہیں نئیں کیتی۔
