راولپنڈی۔14نومبر(اے پی پی)پاک فوج دے چیف آف جنرل سٹاف (سی جی ایس) لیفٹیننٹ جنرل سید عامر رضا ریاض اچ چیف آف جنرل سٹاف رائل سعودی آرمڈ فورسز جنرل فیاض بن حمید الرویلی نال ملاقات کیتی۔ انہاں آپسی سٹریٹیجک دلچسپی دے معاملیاں تے گالھ مہاڑ کیتی جیندے اچ ݙو طرفہ دفاعی تعاون مضبوط بݨاوݨ، آپسی آپریشنل ہم آہنگی اچ بہتری اتے سٹریٹیجک میوچوئل ڈیفنس ایگریمنٹ دے تحت تعاون ودھاوݨ تے توجہ …
پاک فوج دے چیف آف جنرل سٹاف لیفٹیننٹ جنرل سید عامر رضا دی ریاض اچ چیف آف جنرل سٹاف رائل سعودی آرمڈ فورسز جنرل فیاض بن حمید الرویلی نال ملاقات
مزید خبراں
راولپنڈی۔14نومبر(اے پی پی)پاک فوج دے چیف آف جنرل سٹاف (سی جی ایس) لیفٹیننٹ جنرل سید عامر رضا ریاض اچ چیف آف جنرل سٹاف رائل سعودی آرمڈ فورسز جنرل فیاض بن حمید الرویلی نال ملاقات کیتی۔ انہاں آپسی سٹریٹیجک دلچسپی دے معاملیاں تے گالھ مہاڑ کیتی جیندے اچ ݙو طرفہ دفاعی تعاون مضبوط بݨاوݨ، آپسی آپریشنل ہم آہنگی اچ بہتری اتے سٹریٹیجک میوچوئل ڈیفنس ایگریمنٹ دے تحت تعاون ودھاوݨ تے توجہ ݙتی ڳئی۔ پاک فوج دے شعبہ تعلقات عامہ (آئی ایس پی آر) توں جاری بیان دے مطابق ݙوہاں پاسوں پاکستان اتے سعودی عرب وچال دیرینہ برادرانہ تعلقات کوں ودھا تکڑا کرݨ دے عزم دا پکا ارادہ کیتا گیا جیڑھا علاقائی امن، استحکام اتے خود انحصاری اچ اہم کردار ادا کریندے۔ پاکستان-سعودی عرب ݙو طرفہ دفاعی صنعتی فورم دا ہک خاص اجلاس وی ریاض اچ تھیا جیںدے اچ پاکستان دیاں تریے افواج دے وفد دی قیادت پاک فوج دے سی جی ایس لیفٹیننٹ جنرل سید عامر رضا کیتی جݙاں جو سعودی وفد دی سربراہی نائب وزیر دفاع برائے ایگزیکٹو امور خالد البیاری کیتی۔ ݙو طرفہ اجلاس اچ ݙوہاں ملکاں جاری دفاعی تعاون دے منصوبیاں دی پیش رفت دا جائزہ ڳھدا اتے ابھردیاں ہوئیاں ٹیکنالوجیز اچ سانجھے منصوبیاں دے نویں امکانات تے گالھ مہاڑ کیتی جیڑھی سعودی عرب دے وژن 2030 دے مطابق ہن۔ چیف آف جنرل سٹاف رائل سعودی ڈیفنس فورسز دی صلاحیت اچ ودھارے کیتے پاکستان دی مسلسل حمایت دا پکا ارادہ کیتا۔ سعودی قیادت دہشت گردی دے خلاف جنگ اچ پاکستان دیاں قربانیاں، کامیابیاں اتے علاقائی امن و استحکام کیتے ایں دے اہم کردار دی تعریف کیتی۔
