اسلام آباد۔15نومبر(اے پی پی) وزیراعظم محمد شہباز شریف دی دعوت تے اردن دے شاہ عبداللہ دوم آپݨے ݙو ݙینھ دے دورے تے اسلام آباد پڄ ڳئے، ہوائی اݙے تے صدر مملکت آصف علی زرداری، وزیراعظم محمد شہباز شریف، وفاقی وزیر موسمیاتی تبدیلی مصدق ملک اتے وزیرِ مملکت تعلیم وجیہہ قمر شاہ عبداللہ دوم اتے انہاں دے اعلیٰ سطحی وفد دا استقبال کیتا۔ وزیراعظم دفتر دے میڈیا ونگ توں جاری بیان …
اردن دے شاہ عبداللہ دوم اپݨے ݙو ݙینھ دے دورے تے اسلام آباد پڄ ڳئے، ہوائی اݙے تے صدر اتے وزیراعظم استقبال کیتا
اسلام آباد۔15نومبر(اے پی پی) وزیراعظم محمد شہباز شریف دی دعوت تے اردن دے شاہ عبداللہ دوم آپݨے ݙو ݙینھ دے دورے تے اسلام آباد پڄ ڳئے، ہوائی اݙے تے صدر مملکت آصف علی زرداری، وزیراعظم محمد شہباز شریف، وفاقی وزیر موسمیاتی تبدیلی مصدق ملک اتے وزیرِ مملکت تعلیم وجیہہ قمر شاہ عبداللہ دوم اتے انہاں دے اعلیٰ سطحی وفد دا استقبال کیتا۔ وزیراعظم دفتر دے میڈیا ونگ توں جاری بیان موجب اردن دے شاہ عبداللہ دوم پاکستان دے دورے تے ہفتہ کوں اسلام آباد پُڄے، شاہ عبداللہ دوم دا دورہ پاکستان، اردن اتے پاکستان وچال پراݨے برادرانہ تعلقات کوں ظاہر کریندے ۔ اے دورہ ݙوہیں ملکاں وچال سیاسی، اقتصادی اتے ثقافتی تعلقات دی مزید مضبوطی دا سبب بݨسی۔ شاہ عبداللہ دوم کجھ دیر وچ وزیراعظم ہاؤس ویسن جتھاں انہاں کوں گارڈ آف آنر پیش کیتا ویسی۔ وزیراعظم ہاؤس وچ شاہ عبداللہ دوم دی وزیراعظم شہباز شریف نال ݙو طرفہ ملاقات تھیسی اتے وفد دی سطح تے وی ملاقات تھیسی۔ شاہ عبداللہ دوم دا اے دورہ، پاکستان اتے اردن دے پراݨے تعلقات کوں مزید تکڑا کریسی اتے ݙوہیں بھرا ملکاں وچال ݙو طرفہ تعاون دے دائرے کوں وسعت ݙیوݨ وچ مددگار ثابت تھیسی۔
