اسلام آباد۔15نومبر(اے پی پی) اردن دے شاہ عبداللہ دوم دا وزیراعظم ہاؤس آوݨ تے پُرتپاک استقبال کیتا ڳیا، وزیراعظم محمد شہباز شریف اردن دے شاہ عبداللہ دوم دا خیر مقدم کیتا، ݙوہیں رہنماواں گرم جوشی نال ہتھ ملایا۔ شاہ عبداللہ دوم دے وزیراعظم ہاؤس آوݨ تے انہاں دے اعزاز وچ پُروقار استقبالیہ تقریب دا انعقاد کیتا ڳیا۔ ایں موقع تے ݙوہیں ملکاں دے قومی ترانے وڄائے ڳئے۔ مسلح افواج دے …
اردن دے شاہ عبداللہ دوم دا وزیراعظم ہاؤس آوݨ تے پُرتپاک استقبال، گارڈ آف آنر پیش کیتا ڳیا
اسلام آباد۔15نومبر(اے پی پی) اردن دے شاہ عبداللہ دوم دا وزیراعظم ہاؤس آوݨ تے پُرتپاک استقبال کیتا ڳیا، وزیراعظم محمد شہباز شریف اردن دے شاہ عبداللہ دوم دا خیر مقدم کیتا، ݙوہیں رہنماواں گرم جوشی نال ہتھ ملایا۔ شاہ عبداللہ دوم دے وزیراعظم ہاؤس آوݨ تے انہاں دے اعزاز وچ پُروقار استقبالیہ تقریب دا انعقاد کیتا ڳیا۔ ایں موقع تے ݙوہیں ملکاں دے قومی ترانے وڄائے ڳئے۔ مسلح افواج دے چاک و چوبند دستے اردن دے شاہ عبداللہ دوم کوں گارڈ آف آنر پیش کیتا، شاہ عبداللہ دوم گارڈ آف آنر دا معائنہ کیتا۔ وزیراعظم محمد شہباز شریف وفاقی کابینہ دے ارکان دا اردن دے شاہ عبداللہ دوم نال تعارف کرایا جݙاں جو اردن دے شاہ وی اپݨے وفد دے ارکان کوں وزیراعظم محمد شہباز شریف نال متعارف کرایا۔ شاہ عبداللہ دوم وزیراعظم ہاؤس دے سبزہ زار وچ ہک ٻوٹا وی رادھا۔
