اسلام آباد۔16نومبر(اے پی پی)ایس آئی ایف سی دی مدد نال پاکستان اتے قطر دے تعلقات وچ اقتصادی، دفاعی اتے زرعی تعاون دے نویں دور دا آغاز تھی ڳئے۔ تفصیل موجب ہݨے ہی صدرِ مملکت آصف علی زرداری دوہہ وچ قطر دے نائب وزیراعظم اتے وزیر دفاع شیخ سعود نال اہم ملاقات کیتی۔ ملاقات وچ دفاعی شعبے، زراعت اتے سرمایہ کاری وچ تعاون ودھاوݨ تے اتفاق کیتا ڳیا۔ سربراہواں ولوں سانجھیاں …
پاکستان اتے قطر دے تعلقات وچ اقتصادی / دفاعی تعاون دا نواں باب
اسلام آباد۔16نومبر(اے پی پی)ایس آئی ایف سی دی مدد نال پاکستان اتے قطر دے تعلقات وچ اقتصادی، دفاعی اتے زرعی تعاون دے نویں دور دا آغاز تھی ڳئے۔ تفصیل موجب ہݨے ہی صدرِ مملکت آصف علی زرداری دوہہ وچ قطر دے نائب وزیراعظم اتے وزیر دفاع شیخ سعود نال اہم ملاقات کیتی۔ ملاقات وچ دفاعی شعبے، زراعت اتے سرمایہ کاری وچ تعاون ودھاوݨ تے اتفاق کیتا ڳیا۔ سربراہواں ولوں سانجھیاں فوجی مشقاں، دفاعی ٹیکنالوجی اتے مہارت دے تبادلے کیتے اقدام تے زور ݙتا ڳیا۔ قطر دے وزیر دفاع پاکستان دی مسلح افواج دی پیشہ ورانہ مہارت دی تعریف کریندیں دفاعی تعاون وچ دلچسپی دا اظہار کیتا۔ پاکستان اتے قطر وچال اقتصادی اتے دفاعی تعلقات نال دفاعی صنعت اتے برآمدات کوں نویں جہت مِلسی۔ ݙو طرفہ تعلقات دی وجہ توں جدید ٹیکنالوجی، زرعی پیداوار اتے سرمایہ کاری کوں ودھارا مِلسی۔ پاکستان دی زرعی، اقتصادی اتے دفاعی ترقی وچ ایس آئی ایف سی اپݨا کلیدی کردار ادا کریندی پئی اے۔
