سینیٹر روبینہ خالد دا عالمی یوم برداشت تے رواداری تے خاص پیغام

اسلام آباد۔16نومبر(اے پی پی) چیئرپرسن بے نظیر انکم سپورٹ پروگرام سینیٹر روبینہ خالد آکھیے جو معاشرے وچ برداشت، احترام اتے ہم آہنگی دا ودھارا ویلھے دی اہم لوڑھ اے، عدم برداشت معاشرے کوں کمزور کریندی اے، رواداری مضبوط معاشرہ بݨیندی اے۔ عالمی یوم برداشت / رواداری تے خاص پیغام وچ سینیٹر روبینہ خالد آکھیا جو بی آئی ایس پی ہمیشہ کمزور طبقیں دے نال کھڑی اے، محبت، احترام اتے یکجہتی ساݙا اصول اے، محروم طبقیں دی مدد دے نال معاشرتی برداشت وی ساݙیاں بنیادی اقدار وچ شامل اے، بی آئی ایس پی دا مقصد صرف مالی مدد نی بلکہ سماجی ہم آہنگی دا ودھارا وی اے۔ سینیٹر روبینہ خالد آکھیا جو برداشت، ہم آہنگی اتے احترام تے مبنی معاشرہ ساݙی ترجیح اے، عدم برداشت معاشرتی ترقی دی راہ وچ ساریں توں وݙی رکاوٹ اے، یومِ برداشت اساکوں نفرت، ونݙ اتے شدت پسندی دے خاتمے دا پیغام ݙیندے۔ سینیٹر روبینہ خالد آکھیا جو اختلاف رائے کوں برداشت کرݨ جمہوری اقدار دی مضبوطی دی علامت اے، قومی یکجہتی کیتے برداشت اتے رواداری دا ودھارا ٻہوں ضروری اے۔