اسلام آباد۔16نومبر(اے پی پی)پاکستان ولوں اردن دے شاہ عبداللہ دوم کوں اعلیٰ ترین سول ایوارڈ 'نشان پاکستان' نال نواز ݙتا ڳیا۔ وفاقی دارالحکومت وچ ایوان صدر وچ اردن دے شاہ عبداللہ دوم کوں پاکستان دا اعلیٰ ترین سول ایوارڈ ݙیوݨ کیتے پُروقار تقریب دا انعقاد کیتا ڳیا، تقریب دا آغاز تلاوت قرآن پاک نال کیتا ڳیا، تقریب وچ ݙوہیں ملکاں دے قومی ترانے وڄائے ڳئے، صدر مملکت آصف علی زرداری …
صدرمملکت آصف علی زرداری اردن دے شاہ عبداللہ دوم کوں اعلیٰ ترین سول ایوارڈ نال نواز ݙتا
اسلام آباد۔16نومبر(اے پی پی)پاکستان ولوں اردن دے شاہ عبداللہ دوم کوں اعلیٰ ترین سول ایوارڈ ‘نشان پاکستان’ نال نواز ݙتا ڳیا۔ وفاقی دارالحکومت وچ ایوان صدر وچ اردن دے شاہ عبداللہ دوم کوں پاکستان دا اعلیٰ ترین سول ایوارڈ ݙیوݨ کیتے پُروقار تقریب دا انعقاد کیتا ڳیا، تقریب دا آغاز تلاوت قرآن پاک نال کیتا ڳیا، تقریب وچ ݙوہیں ملکاں دے قومی ترانے وڄائے ڳئے، صدر مملکت آصف علی زرداری شاہ عبداللہ دوم کوں نشان امتیاز نال نوازیا۔ تقریب وچ اعلیٰ سول و عسکری حکام جئیں وچ وزیراعظم محمد شہباز شریف، فیلڈ مارشل سید عاصم منیر، ایئر چیف مارشل ظہیر احمد بابر سدھو اتے ایڈمرل نوید اشرف دے علاوہ وفاقی کابینہ دے ارکان اتے سفیر وی موجود ہن۔ ݙوجھے پاسے اردن دے بادشاہ صدر آصف علی زرداری کوں “وِسَامُ النَّہضَة المُرَصَّع” (آرڈر آف دی رینیسانس) نال نوازیا، جیڑھا سربراہانِ مملکت اتے معزز شخصیات کوں ݙتا ویندے۔ صدر مملکت کوں ݙتا ڳیا اے اعزاز پاکستان دے نال اردن ولوں ٻہوں احترام، تعریف اتے دوستی دی علامت اے، جݙاں جو تقریب وچ شاہ عبداللہ دوم ݙو ریاستی حل دے تحت آزاد، خودمختار اتے قابلِ عمل فلسطینی ریاست دے قیام تے زور ݙتا، ݙوہیں رہنماواں مختلف شعبیں وچ ݙو طرفہ تعاون کوں وسعت ݙیوݨ تے اتفاق کیتا۔
