اسلام آباد۔17نومبر (اے پی پی) وفاقی وزیر داخلہ محسن نقوی نال چین دے سفیر جیان زیڈونگ اتھاں ملاقات کیتی جئیں اچ پاک چین ݙو پاسہ تعلقات اتے آپسی دلچسپی دے معاملیاں تے گالھ مہاڑ تھئی۔ اتھاں جاری بیان دے مطابق چین دے سفیر اسلام آباد اچ خودکش حملے دی مذمت کیتی۔ چینی سفیر سانحے اچ قیمتی جاناں دے ضیان تے ݙکھ دا اظہار کریندیں ہوئیں آکھیا جو چین دی وزارتِ …
وفاقی وزیر داخلہ محسن نقوی نال چینی سفیر جیان زیڈونگ دی ملاقات، پاک چین ݙو پاسہ تعلقات اتے آپسی دلچسپی دے معاملیاں تے گالھ مہاڑ
اسلام آباد۔17نومبر (اے پی پی) وفاقی وزیر داخلہ محسن نقوی نال چین دے سفیر جیان زیڈونگ اتھاں ملاقات کیتی جئیں اچ پاک چین ݙو پاسہ تعلقات اتے آپسی دلچسپی دے معاملیاں تے گالھ مہاڑ تھئی۔ اتھاں جاری بیان دے مطابق چین دے سفیر اسلام آباد اچ خودکش حملے دی مذمت کیتی۔ چینی سفیر سانحے اچ قیمتی جاناں دے ضیان تے ݙکھ دا اظہار کریندیں ہوئیں آکھیا جو چین دی وزارتِ خارجہ دے ترجمان وی ایں واقعے دی مذمت کیتی اے۔ ملاقات اچ انسداد دہشت گردی اتے سکیورٹی تعاون ٻیا مضبوط بݨاوݨ تے اتفاق کیتا ڳیا۔ وزیر داخلہ آکھیا جو پاک چین تعلقات آپسی اعتماد تے احترام تے مبنی ہن۔ چین پاکستان دا او بااعتماد دوست اے جئیں ہر اوکھے ویلھے ساتھھ ݙتے۔ محسن نقوی آکھیا جو پاکستان دہشت گردی توں ساریں توں ودھ متاثر ملک اے۔
