وزارت اطلاعات تے نشریات ولوں “اڑان پاکستان فیملی فیسٹیول” دا کامیاب انعقاد

اسلام آباد۔17نومبر (اے پی پی) وفاقی وزارت اطلاعات تے نشریات ولوں گزریل ݙینہہ ایف نائن پارک اسلام آباد اچ “اڑان پاکستان فیملی فیسٹیول” دا کامیابی نال انعقاد تھیا۔ فیسٹیول دی کامیابی وزیراعظم محمد شہباز شریف دی خاص رہنمائی اتے حکومت دی عوام دوست پالیسیاں دا نتیجہ اے۔ معرکہ حق اچ پاکستان دی شاندار کامیابی پوری قوم دے حوصلے اُچے کیتے اتے ایں جذبے فیسٹیول دے ماحول کوں ٻیا ولولہ انگیز بݨایا۔ فیسٹیول دے کامیابی نال انعقاد اچ وفاقی وزیر داخلہ محسن نقوی دا بھرپور تعاون رہیا جݙاں جو وزارت داخلہ فول پروف سکیورٹی انتظامات کیتے۔ ایں توں علاوہ ضلعی انتظامیہ اتے ٻئے اداریاں دا وی فیسٹیول دے انعقاد اچ تعاون رہیا جئیں دی وجہ توں فیسٹیول محفوظ اتے پُرامن انداز اچ پورا تھیا۔ فیسٹیول اچ تریمتیں، ٻال، نینگر اتے بُڈھے وݙی تعداد اچ شامل تھئے۔ ݙوہیں شہراں راولپنڈی اسلام آباد دے شہریاں خوشگوار اتے پُرامن ماحول اچ تفریح توں پورا لطف ڳھدا۔ فیسٹیول دے انعقاد توں پہلے وفاقی وزیر اطلاعات تے نشریات عطاء اللہ تارڑ ایف نائن پارک دا دورہ کیتا اتے مختلف انتظامات دا جائزہ ڳھدا۔ ایں موقع تے انہاں تفریحی سرگرمیاں کیتے قائم کیتے ڳئے سٹالز، سٹیج ایریا اتے فیملی زونز دا معائنہ کیتا اتے متعلقہ حکام کوں ضروری ہدایات ݙتی۔ ایں موقع تے گالھ مہاڑ کریندیں ہوئیں وفاقی وزیر آکھیا جو عوام کیتے صحت مند تفریحی موقعے پیدا کرݨ حکومت دی ترجیحات اچ شامل اے اتے ایہو سویں پروگرام سماجی ہم آہنگی کوں ودھیندن۔ صاف گالھ اے جو دہشت گردی دے باوجود عوام دی وݙی تعداد اچ شرکت ایں گالھ دا ثبوت اے جو شہری مثبت سرگرمیاں دی بحالی اتے ملک اچ معمولاتِ زندگی دی روانی کیتے پُرعزم ہن۔ فیسٹیول اچ ملک دے مشہور گلوکاراں عاطف اسلم، فرحان سعید، نمرہ مہرہ، جابر عباس اتے زونیب زاہد پرفارمنس ݙتی جئیں دی شرکاء بہوں تعریف کیتی۔ سٹیج دی میزبانی شفاعت علی اتے صوفیہ احمد کیتی جنہاں آپݨی شاندار کارکردگی نال پروگرام کوں مزید دلکش بݨایا۔ “اڑان پاکستان” فیملی فیسٹیول نہ صرف اسلام آباد دے شہریاں کوں بہترین تفریح ݙتی بلکہ اے سنیھا وی ݙتا جو عوام حالات توں گھبرا تے نئیں بیٹھے بلکہ قومی سطح تے مثبت سرگرمیاں کوں جاری رکھݨ دے خواہشمند ہن۔