ماسکو۔18نومبر(اے پی پی) نائب وزیراعظم اتے وزیر خارجہ سینیٹر محمد اسحاق ڈار ماسکو اچ شنگھائی تعاون تنظیم (ایس سی او) دی کونسل آف ہیڈز آف گورنمنٹ دے اجلاس اچ پاکستانی وفد دی قیادت کریندے ایس سی او فریم ورک اچ پاکستان دیاں ترجیحات دا ݙسایا اتے علاقائی سانجھیداری دے اہم ستوناں دے طور تے تجارتی، اقتصادی، ثقافتی اتے انسانی تعاون تے زور ݙتا۔ منگل کوں دفتر خارجہ دے مطابق نائب …
ایس سی او فریم ورک: تجارت، بنیادی ڈھانچے دی ترقی، سرمایہ کاری اتے ڈیجیٹل ترقی دے ذریعے زیادہ اقتصادی انضمام دی ضرورت اے، نائب وزیراعظم محمد اسحاق ڈار
مزید خبراں
ماسکو۔18نومبر(اے پی پی) نائب وزیراعظم اتے وزیر خارجہ سینیٹر محمد اسحاق ڈار ماسکو اچ شنگھائی تعاون تنظیم (ایس سی او) دی کونسل آف ہیڈز آف گورنمنٹ دے اجلاس اچ پاکستانی وفد دی قیادت کریندے ایس سی او فریم ورک اچ پاکستان دیاں ترجیحات دا ݙسایا اتے علاقائی سانجھیداری دے اہم ستوناں دے طور تے تجارتی، اقتصادی، ثقافتی اتے انسانی تعاون تے زور ݙتا۔ منگل کوں دفتر خارجہ دے مطابق نائب وزیراعظم تجارت، بنیادی ڈھانچے دی ترقی، سرمایہ کاری اتے ڈیجیٹل ترقی دے ذریعے زیادہ اقتصادی انضمام دی لوڑھ تے زور ݙیندے علاقائی آفتاں دی تیاری تے تعاون کوں ودھاوݨ دا آکھیا۔ نائب وزیراعظم ایس سی او کوں نویں بݨاوݨ اتے انگریزی کوں “ورکنگ لینگویج” دے طور تے متعارف کروا تے ایںدی رسائی کوں ودھاوݨ تے زور ݙتا۔ انہاں سانجھے مقصداں دے نال جُڑے ہوئے پروجیکٹ تے مبنی اقدامات اچ مبصر اتے سانجھیدار ریاستاں دی ڳہری شمولیت دی تجویز وی ݙتی۔ انہاں شنگھائی تعاون تنظیم دے مالیاتی ادارے اتے ٹولز دے قیام دے نال نال تعلیمی رابطیاں کوں ودھا تے انسانی سرمائے دی ترقی دی صلاح وی ݙتی۔ نائب وزیراعظم سینیٹر محمد اسحاق ڈار مزید اختراعی اتے مربوط خطے کیتے پاکستان دے عزم دا اعادہ کیتا۔
