وزیرخزانہ محمداورنگزیب دی ڈنمارک دی سفیر نال ملاقات

اسلام آباد۔18نومبر(اے پی پی) وفاقی وزیرخزانہ و محصولات سینیٹر محمداورنگزیب پاکستان اچ ڈنمارک دی نویں سفیر ماجا مورٹن سن نال ملاقات کیتی۔ ملاقات اچ جاری اقدامات تے ڳالھ مہاڑ کیتی ڳئی جیںدے اچ جی سی سی فریم ورک دے تحت تھیوݨ آلے اڳلے اجلاس، پاکستان دے پورٹس اتے لاجسٹکس ایکو سسٹم اچ ڈنمارک دیاں کمپنیاں دی دلچسپی، اتے گرین ٹرانزیشن، توانائی دی کارکردگی اتے ٹیکنالوجی جدت اچ تعاون دے وݙے امکانات شامل ہن۔ ملاقات اچ موسمیاتی مالیات اچ اصلاحات تے وی ڳالھ تھئی۔ سفیر مورٹن سن ݙسایا جو ایں ہفتے ڈنمارک دے ترائے وفد پاکستان دا دورہ کریندے پئن جیڑھا ݙوہاں ملکاں دے ودھدے ہوئے رابطیاں دا تکڑا ثبوت اے۔ ڈنمارک دی سفیر ݙسایا جو ڈنمارک دیاں کمپنیاں پاکستان اچ کاروباری دلچسپی رکھیدن جیںدے اچ لاجسٹکس، بحری انفراسٹرکچر، مینوفیکچرنگ اتے توانائی دے شعبے شامل ہن۔ وزیرِ خزانہ تجارت، سرمایہ کاری، توانائی اتے پائیدار ترقی سودھا مختلف شعبیاں اچ ڈنمارک نال تعاون اتے تعلقات مزید مضبوط بݨاوݨ دے حکومتی عزم دا اعادہ کیتا۔ انہاں یقین ݙیوایا جو پاکستان غیر ملکی ادائیگیاں دے بیک لاگ صاف کر ݙتے ہن اتے مالی و زرِی استحکام سانڳے مثبت پیشرفت جاری اے۔